CTS bıletsiz júretin jolaýshylarǵa salynatyn aıyppuldy 18 myń teńgege kóterýdi usyndy

<p>ASTANA. KAZINFORM &ndash; &nbsp;City Transportation Systems kompanııasynyń basqarma tóraǵasynyń mindetin atqarýshy Abat Shynybekov elordanyń qoǵamdyq kólikterinde bıletsiz júretin jolaýshylarǵa salynatyn aıyppul kólemi 18 460 teńgege deıin kóterýdi usyndy.</p>

«2020 jyldan beri oqýshylarymyz da, balalarymyz da qoǵamdyq kólikti tegin paıdalanyp kele jatyr. Degenmen qazirgi tańda kompanııanyń qoǵamdyq kóliktegi tekserý departamentiniń qyzmetkerleri kún saıyn reıd kezinde kóptegen bıletsiz jolaýshyny ustaıdy. Byltyrdyń ózinde ǵana 202 myńǵa jýyq fakti tirkeldi. Onyń 10 myńnan astamyna aıyppul salyndy. Munyń ortasha shyǵyny jylyna 2,5-3 mlrd teńge kóleminde. Bul aqshaǵa 30-40 avtobýs alýǵa bolady», - dedi Abat Shynybekov. 

Sondaı-aq ol bıletsiz júretin jolaýshylarǵa salynatyn aıyppul kólemin ulǵaıtýdy usyndy. 

«Bul máselede áýeli polıtsııa qyzmetkerleriniń kómegi kerek. Sebebi qyzmetkerlerimiz bıletsiz jolaýshyny ustaǵannan keıin ýchaskege aparý kerek. Onyń bári jumysqa kedergi. Sondyqtan jergilikti polıtsııa qyzmetkerlerinen 10 adamdy osy iske bólse degen usynysymyz bar. Qazirgi tańda qoǵamdyq kólikte bıletsiz júrgeni úshin salynatyn aıyppul kólemi 2 aılyq eseptik kórsetkish (7 384 teńge -red.) Tıisti oryndarǵa osyny 5 AEK-ke deıin ( 18 460 teńge – red.) kóterý týraly usynyp berip jatyrmyz», - dedi kompanııa basshysynyń orynbasary.