«TsSKA» fýtbolshylary ekinshi lıgada taǵy da jeńiske jetti

ASTANA. QazAqparat - Almatyda ekinshi lıga komandalary arasynda ótken ulttyq birinshilikte «TsSKA» jáne «Atyraý» komandalarynyń fýtboldan jarysy aıaqtaldy. Jarys nátıjesinde áskerıler 1:0 esebimen utty, dep habarlady QR Qorǵanys mınıstrliginiń baspasóz qyzmeti.

Jeńiske jetkizgen goldy qarsylastar qaqpasyna áskerı klýbtyń shabýylshysy Amal Seıitov soqty.

«Bul - áskerılerdiń Qazaqstannyń fýtboldan ótken ekinshi lıga maýsymyndaǵy on segizinshi jeńisi. Jigitter ásker sportynyń namysyn qorǵap júrgenderine óte rıza. Búginde olar jastar arasyndaǵy úzdikter bestiginiń qatarynda, oıyn alańynda kásibıligi men sheberligin tanytyp, jaqsy nátıjeler kórsetip júr», - dep baıandady «TsSKA» fýtbol komandasynyń jetekshisi Nurbol Qoshqarbaev.