TsSKA Bahtııar Zaınýtdınovtyń transferi úshin bonýs kútip otyr

ASTANA. QazAqparat – Túrik buqaralyq aqparat quraldary Qazaqstan quramasynyń jartylaı qorǵaýshysy Bahtııar Zaınýtdınovtyń máskeýlik TsSKA-dan Ystambuldyń «Beshıktashyna» aýysýyna baılanysty qansha qarjy tólenetini týraly málimetpen bólisti, dep habarlaıdy QazAqparat Sports.kz saıtyna silteme jasap.

«Beshıktash» fýtbolshy úshin TsSKA-ǵa 4,5 mıllıon eýro tóleıdi. Sondaı-aq reseılik klýb oıynshyny qaıta satýdan 15% alady jáne belgili bolǵandaı, 500 000 eýro kóleminde bonýs kútip otyr.

Eske salaıyq, Bahtııar Zaınýtdınov «Beshıktashpen» tórt jyldyq kelisimshartqa otyrǵan. Soǵan sáıkes qazaqstandyq jylyna 1,2 mıllıon eýro tabys tabady. Zaınýtdınov TsSKA sapynda 2020 jyldan beri oınap keledi. Osy maýsymda ol «armııalyq komanda» sapynda bes kezdesý ótkizip, bir gol soǵyp, bir nátıjeli pas berdi.