Crew Dragon kemesi 4 ǵaryshkermen Jerge oraldy

NЬıÝ-IORK. QazAqparat – Halyqaralyq ǵarysh stantsııasynan tórt ǵaryshkermen ushyp shyqqan Crew Dragon Meksıka shyǵanaǵynda sýǵa qondy, dep habarlaıdy QazAqparat.

Bul týraly NASA ókilderi Twitter -degi resmı akkaýntynda habarlady. Málimdemege sáıkes, ǵaryshkerler Vıktor Glover, Maıkl Hopkıns, Shennon Ýolker jáne Soıtı Nogýtı halyqaralyq ǵarysh stantsııasyndaǵy (HǴS) jarty jyldyq ǵylymı mıssııadan keıin Jerge oraldy. Crew Dragon ǵarysh kemesi Meksıka shyǵanaǵynda, Florıda shtatynyń Panama-sıtı qalasy mańynda sýǵa qondy. Ǵaryshkerler Crew Dragon kemesimen HǴS-qa 2020 jyldyń qarasha aıynda alǵashqy jumys reısimen attanǵan bolatyn.

Keme 15 qarashada saǵat 19:27-de AQSh-tyń shyǵys jaǵalaýyndaǵy Florıda shtatynyń Kanaveral ǵarysh aılaǵynan ushyrylǵan edi.