COVID-19 vaktsınatsııasyn alǵan Saran jáne Aqtas turǵyndaryna syılyqtar beriledi

SARAN. QazAqparat – COVID-19 vaktsınasynyń birinshi komponentimen egilgen Saran qalasy men Aqtas kentiniń turǵyndary arasynda syılyqtar oınatylady. Utys oıynyna qatysý úshin 11–19 qyrkúıek aralyǵynda vaktsınatsııalaýyńyz kerek, dep habarlaıdy QazAqparat tilshisi.

Ekpe alǵan azamattar arasynda 12 júlde oınatylady. Olardyń ishinde elektrosamokattar, smartfon, AirPods symsyz qulaqqaptary bar. Eń qundy syılyq – skýter.

Qatysýshy Saran jáne Aqtas vaktsınatsııa ortalyǵynan koronavırýs ınfektsııasyna qarsy vaktsınanyń birinshi komponentin alyp, aty-jónin utys jýrnalyna qaldyrýy kerek.

Júldeler 20 qyrkúıekte saǵat 15:00 de @apparat_akima_saran Instagram

áleýmettik paraqshasynda tikeleı efırde oınatylady.

2021 jylǵy 13 qyrkúıektegi málimetke saı Qaraǵandy oblysy boıynsha I komponentpen 500 908, II komponentpen 425 344 adam vaktsına saldyrdy.

Búgingi kúni Qaraǵandy oblysynda (13. 09.2021) ınfektsııalyq statsıonarlarda 1325 naýqas, reanımatsııa bólimshesinde 87 naýqas em alýda, jaǵdaıy ortasha aýyrlyq dárejesinde (onyń ishinde 9- i ÓJJ apparatyna qosylǵan).