COVID-19 taralýyna jol bermeý jónindegi VAK shekteýlerdi alyp tastaý boıynsha birqatar sheshim qabyldady

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń otyrysy ótti, dep habaarlaıdy QR Úkimetiniń baspasóz qyzmeti.

Eldegi epıdemıologııalyq jaǵdaıdyń turaqtanýyn eskere otyryp, Qazaqstan Respýblıkasynyń aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa sheshim qabyldady:

​Birinshi. Epıdemıologııalyq táýekeldiń «sary» jáne «jasyl» aımaqtarynda ornalasqan óńirlerdegi barlyq obektilerde:

- «Ashyq» mobıldi qosymshasyn mindetti túrde qoldaný;

- áleýmettik qashyqtyqty saqtaýǵa qoıylatyn talaptar;

- mindetti termometrııa.

Ekinshi. Epıdemıologııalyq qaýip-qaterdiń barlyq aımaqtarynda ashyq aýada maskalardy mindetti túrde kııý.

Úshinshi. COVID-19-ǵa qarsy vaktsına almaǵan qyzmetkerler úshin kúndizgi rejımdegi jumysqa ruqsat berýdi shekteý (qyzmet kórsetý salasynyń obektileri).

Tórtinshi. Vahtalyq ádispen jumys isteıtin uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý.