COVID-19: Taǵy 5 mln amerıkalyq jumyssyzdyq boıynsha járdemaqyǵa ótinish bergen

NЬıÝ-IORK. QazAqparat – Ekonomıkalyq jańalyqtar kórsetip otyrǵandaı, Amerıka ekonomıkasy sońǵy onjyldyqtaǵy eń qıyn daǵdarysqa kirip keledi.

AQSh-ta taǵy 5 mln azamat ótken aptada jumyssyzdyq boıynsha járdemaqyǵa ótinish bergen. Sonyń saldarynan ótken aıda Covid-19 baılanysty karantın rejımi engizilgen sátten bastap jumystan bosatylǵandar sany 22 mln-nan asyp otyr, dep habarlaıdy QazAqparat The Guardian -ge silteme jasap.

Sarapshylar Amerıkadaǵy jumyssyzdyq deńgeıi 15%-ǵa ósken dep boljap otyr jáne bul kórsetkish aldaǵy aptalarda ósýi múmkin.

Ótken aıda elde baspana qurylysy birden 22%-ǵa qysqarǵan.

Morgan Stanley men BlackRock sońǵy toqsanda tabystyń birden tómendegenin jarııalady, sebebi aktsııalar quny arzandap, mámile sany qysqarǵan.

Ulybrıtanııada Anglııa bankiniń sarapshylary Ulybrıtanııa ekonomıkasynyń Covid-19 pandemııasy saldarynan «óte qatty» zardap shegetinin eskertti.

Ekonomıster qatań oqshaýlaný rejımi taǵy birneshe aıǵa sozylsa, Ulybrıtanııada da jumyssyzdyq deńgeıi 15%-ǵa jetetinin boljap otyr.

Elde ótken aıda turmystyq qajetti taýarlar baǵasy 4,4%-ǵa ósken.