COVID-19: ShQO-daǵy statsıonarlarda 566 adam emdelip jatyr

ÓSKEMEN. QazAqparat – Shyǵys Qazaqstan oblysyndaǵy statsıonarlarda koronavırýs juqtyrǵan 566 adam emdelýde, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, ótken táýlikte óńir boıynsha 42 adam SOVID-19 ınfektsııasyn juqtyrǵan. Onyń ishindegi 39 naýqasta sımptom bar bolsa, 3 adam vırýsty sımptomsyz ótkerýde.

«16 qarashada Shyǵys Qazaqstandaǵy statsıonarlarda 566 adam emdelip jatyr. Oblys boıynsha tósek qorynyń júktemesi – 15%. Sońǵy 1 kún ishinde 16 patsıent qaýipti dertten tolyqtaı saýyǵyp shyqty. Sondaı-aq 6 sımptomsyz vırýs tasýshy úı karantınin aıaqtady», - delingen aqparatta.

Esterińizge sala ketsek, osyǵan deıin oblysqa Pfizer vaktsınasynyń 35 myń dozasy jetkizilgenin habarlaǵan bolatynbyz.