COVID-19: Nur-Sultanda jansaqtaý bóliminde tek vaktsına almaǵandar jatyr

NUR-SULTAN. QazAqparat – Elordada koronavırýs indetimen kúresip, jansaqtaý bóliminde jatqan naýqastardyń deni vaktsına almaǵandar. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat tilshisi.

«Qazirgi ýaqytta koronavırýs agressıvti bola bastady, ıaǵnı vırýs tek tynys alý júıesin ǵana zaqymdamaıdy. Mýtatsııaǵa ushyraǵan vırýsqa 25 jas pen odan joǵary azamattar jıi shaldyǵa bastady. Atap aıtqanda, syrqattar tynys alý júıesinen bólek, asqazan-ishek jolynyń buzylýy, júıke júıesiniń buzylýy, býyn aýrýlarynyń da zardabyn tartyp otyr. Patsıentter ortasha nemese aýyr jaǵdaıda túsip jatyr. Olardyń kóbi ókpege ottegi berýdi qamtamasyz etetin kómekshi apparattardy qajet etedi, olardyń basym kópshiligi ekpe almaǵandar men sanıtarııalyq talaptardy elemegen adamdar. Jansaqtaý bólimderinde ekpe almaǵan azamattar jatyr. Olardyń jasy 35 jáne odan joǵary», - dedi Tımýr Muratov OKQ-de onlaın ótken baspasóz máslıhatynda.

Onyń aıtýynsha, búginde 243 naýqas jansaqtaý bóliminde jatyr jáne 55 syrqat ókpeni jasandy tynys alý apparatyna qosylǵan.

Osyǵan deıin elordada jedel járdem qyzmetine táýlik ishinde 3 myńnan astam qońyraý shalynǵany habarlandy.