COVID-19 qarsy vaktsınalardyń komponentteri qupııalandyrylǵan - feık

NUR-SULTAN. QazAqparat - Áleýmettik jelilerde COVID-19 qarsy vaktsınatsııany adamdarda júrgizilgen tájirıbe, al vaktsınalardyń komponentteri qupııalandyrylǵan dep jazǵan avtordyń posty taratylýda. Bul málimdemeler jalǵan. Bul týraly QazAqparat stopfake.kz saıtyna silteme jasap habarlaıdy.

QazVac.
Sputnik V.
Hayat-Vax (Sinopharm).
Pfizer/BioNTech.
Vero Cell (Sinopharm)

Jappaı vaktsınatsııa tájirıbe nemese zertteý emes. Qazaqstanda qoldanylatyn SOVID-19 qarsy barlyq vaktsınalar, olardyń qaýipsiz ekendigi rastalǵan klınıkalyq synaqtardan ótken. Eriktilerde aýyr jaǵymsyz reaktsııalar anyqtalǵan joq. Preparatty alýmen baılanysty ólim-jitim de tirkelmegen. Synaq nátıjeleri ashyq derekkózderde jarııalandy.

Post avtory málimdemeleri vaktsınatsııanyń qaýiptiligin dáleldeıtin professor Galına Chervonskaıanyń sózine súıenedi. Shyn máninde, Chervonskaıa eshqashan ımmýnologııa boıynsha zertteýler júrgizbegen jáne ataǵy men dárejeleri joq. Onyń vaktsınatsııa jaıly málimdemelerin mamandar men dárigerler birneshe ret joqqa shyǵardy.

Demek, habarlamada shyndyqqa sáıkes kelmeıtin jalǵan aqparat berilgen.