COVID-19: Johnson&Johnson Afrıkalyq odaqqa 220 mln doza vaktsına jetkizedi

NUR-SULTAN. QazAqparat - Johnson&Johnson farmatsevtıkalyq toby dúısenbide onyń Janssen atty bólimshesi Afrıkalyq senimgerlik birlesitigimen koronavırýs vaktsınasynyń 220 mln dozasyn satý jónindegi kelisimshartqa (AVAT) otyrǵanyn málimdedi. Bul týraly óndirýshige silteme jasap Reuters agenttigi habarlaıdy.

Agenttik vaktsınany Afrıkalyq odaqtyń 55 eline jetkizý 2021 jyldyń úshinshi toqsanynda bastalatynyn habarlaıdy.

Afrıkalyq odaq kontınent elderine COVID-19-ǵa qarsy vaktsınaǵa taǵy bir jol ashaýǵa shaqyratyn AVAT mehanızmi arqyly preparattyń 600 mln dozasyn aldyrtýdy kózdep otyr. Afrıka elderiniń basshylary jyl sońyna deıin kontınent turǵyndarynyń 60%-yn – 780 mln-nan astam adamdy vaktsınatsııalaýdy maqsat etti.

Sonymen qatar vaktsınanyń mol jetkizilýin Afrıka elderi Dúnıejúzilik densaýlyq saqtaý uıymy qatysýymen jasalǵan COVAX halyqaralyq mehanızmi arqyly júzege asyrmaq.

Búgingi kúni Afrıka elderindegi koronavırýs juqtyrǵandar sany – 4 072 935 adam, olardyń 108 900-y qaıtys boldy. Eń kóp juqtyrǵandar sany OAR-da anyqtaldy, odan keıin Marokko, Týnıs, Egıpet jáne Efıopııa tur.