COVID-19-ǵa qarsy tabletka túrindegi dári shyǵarylmaq

NUR-SULTAN. QazAqparat – Pfizer amerıkalyq farmatsevtıka kompanııasy BUU qoldaýymen Jenevadaǵy dári-dármek patenttik pýlymen COVID-19-ǵa qarsy tabletka shyǵarý týraly kelisimge qol qoıdy, dep habarlaıdy QazAqparat Euronews-ke silteme jasap.

Seısenbide jarııalanǵan málimdemede bul preparatty óndirýge lıtsenzııa berý ony álem halqynyń 53%-y turatyn 95 elde shyǵarýǵa múmkindik beretini kórsetilgen. Reseı Pfizer kompanııasyna 90 eriktige klınıkalyq synaqtar júrgizýge ruqsat berdi, dep habarlady Dári-dármekterdiń memlekettik tiziliminde.

«Bastapqyda biz bul dári-dármekti tek qaýip tobynda turǵan adamdar úshin qoldaný kerek dep oılaımyz. Maqsaty –olardyń aýrýhanaǵa túsýine jáne aýrýdyń aýyr ótýine jol bermeý. Sondyqtan preparatty alǵashqy belgiler paıda bolǵannan keıin birden qabyldaý kerek», - dedi Patenttik pýl ókili Erve Verhýsel.

Nıderland turǵyndarynyń kópshiligi sanıtarlyq ruqsatnamalar tek aýyryp shyqqan nemese vaktsınatsııadan ótken adamdarǵa beriletin júıeni engizýdi qoldaıdy. Mundaı derekterdi seısenbi kúni nıderlandtyq BAQ I & O Research kompanııasynyń zertteýine silteme jasaı otyryp usyndy. Qoǵamdyq densaýlyq saqtaý ınstıtýty bir apta ishinde oń nátıje kórsetken testilerdiń sany 44%-ǵa artqanyn, bul pandemııa bastalǵannan bergi eń joǵary kórsetkish ekenin aıtty. Koronavırýs juqtyrǵan naýqastardy aýrýhanaǵa jatqyzý sany 12%-ǵa ósti. Horvatııada memlekettik mekemelerge baratyndardyń barlyǵy endi sanıtarlyq ruqsatnamalaryn kórsetýi tıis. Osy ýaqytqa deıin bul talap tek densaýlyq saqtaý jáne áleýmettik qamsyzdandyrý sala qyzmetkerleri úshin ǵana mindetti boldy.

Ýkraınada seısenbi kúni koronavırýstan bolǵan ólim sany jańa antırekord ornatty. Prezıdent Vladımır Zelenskıı jeltoqsannan bastap ekpe jasatqandardyń árqaısysyna 1000 grıven (33 eýro) tóleýge ýáde berdi.