COVID-19-dyń sımptomsyz túrine shaldyqqandar qaýipti – maman pikiri

NUR-SULTAN. QazAqparat – COVID-19-dyń sımptomsyz túrine shaldyqqandar koronavırýspen aýyrǵandardan álde qaıda qaýipti. Mundaı pikirdi medıtsına ǵylymdarynyń doktory, epıdemıolog Sáken Ámireev bildirdi, dep habarlaıdy QazAqparat tilshisi.

«Qazaqstanda jáne kórshi elderde ahýaldyń turaqtalǵany baıqalady. Alaıda, bul eshqandaı problema joq degendi bildirmeıdi. Buǵan karantın sharalarynyń arqasynda qol jetkizilip otyr. Degenmen, karantın sharalaryn sál ǵana bosańdatsa, birden ýshyǵyp ketedi. Sondyqtan bosańsýǵa bolmaıdy. Koronavırýsqa qatysty aıta keter taǵy bir jaıt, adamdardyń 70 paıyzy onyń sımptomsyz túrin bastan keshiredi. Osyǵan baılanysty kópshilik sımptomsyz ótkeni jaqsy dep oılaıdy. Jaqsy eshteńesi joq. Bul adamdar ózgelerge juqtyrady. Olardyń ózderi aýyrmaǵanymen koronavırýsqa shaldyqqandarǵa qaraǵanda álde qaıda qaýipti», - dedi S.Ámireev.

Onyń túsindirýinshe, koronavırýstyń sımptomdy túrimen aýyrǵan adamdar oqshaýlanyp, emdeledi. Al vırýstyń sımptomsyz túrin juqtyrǵandar test tapsyrmastan emin-erkin júre beredi. Sol arqyly ol aılasyndaǵy deni saý adamdarǵa vırýs juqtyrady.