COVID-19 besinshi tolqyny sońǵy bolýy múmkin: Frantsııa jańa shekteýler engizip jatyr

NUR-SULTAN. QazAqparat – Dúısenbiden bastap Frantsııada aýrý juqtyrǵan jaǵdaıda nemese COVID-19 juqtyrýshymen baılanys bolǵan jaǵdaıda oqshaýlaýdyń erejeleri ózgertildi, dep habarlaıdy QazAqparat Euronews-ke silteme jasap.

Endi koronavırýs juqtyrǵan jaǵdaıda mindetti karantın merzimi tolyq vaktsına alǵan adamdar úshin 7 kúnge deıin qysqarady.

Eger 5 kúnnen keıin test teris nátıje kórsetse, onda ózin-ózi oqshaýlaý sharasy toqtatylady. Aýrý juqtyrǵandarmen baılanys bolsa ekpe alǵandar karantınnen bosatylady.

Vaktsına almaǵandar úshin – aýrý juqtyryp alsa ózin-ózi oqshaýlaý 10 kúnge, baılanys bolsa – 7 kúnge jalǵasady.

Alaıda, bıliktiń basqa sheshimin ata-analar túsinbeı otyr. Endi 6 jastan asqan balalar qoǵamdyq oryndarda maska taǵýy kerek.

Jańa shekteýler munymen bitken joq.

Dúısenbiden bastap kompanııa qyzmetkerleri qashyqtan jumys isteýge kóshedi. Jappaı is-sharalardy jabyq ǵımaratta 2 myń adamǵa, ashyq jerde 5 myń adamǵa ótkiziledi.

Adamdar turyp turatyn kontsertter toqtatyldy. Meıramhanalarda, barlar men kafelerde tek otyryp tamaq ishý kerek, bıleýge ruqsat joq.

Túngi klýbtar 24 qańtarǵa deıin jabyldy.

Jańa shekteýlerge qaramastan, Frantsııanyń densaýlyq saqtaý mınıstri Olıve Veran «elde COVID-19 besinshi tolqyny sońǵysy» dep esepteıdi.