COVID-19 aıaqtaldy, biraq qandaı da bir patogendik ózgerister qateri bar - BUU keńesshisi
«Ótkenniń bárinen sabaq alýymyz kerek. Ózgeristerge daıyn bolý úshin munyń bárin transformatsııalaýǵa tıispiz. COVID-19 aıaqtaldy, biraq qandaı da bir kelesi patogendik ózgerister qateri bar. Pandemııa – óte kúshti qater. Búginde biz ózge de problemalar jaıynda estip otyrmyz. Qorshaǵan ortaǵa baılanysty daǵdarystar bolyp jatyr. Taralatyn jáne taralmaıtyn aýrýlar bar. Bir el óz betinshe qandaı da bir daǵdaryspen kúrese almaıtynyn túsinemiz. Sondyqtan da halyqaralyq yntymaqtastyq óte mańyzdy», - dedi sheteldik meıman.
Onyń atap ótýinshe, memleketter aldaǵy ýaqytta bolýy múmkin ózgeristerge laıyqty toıtarys berýi úshin densaýlyq saqtaý júıesin nyǵaıtýǵa múmkindik beretin negizgi ázirlemelerdi daıyndaý kerek.
«Pandemııa jahandyq yntymaqtastyqtyń mańyzyn kórsetip berdi. Sondyqtan álemniń bir bóliginde paıda bolǵan pandemııa kelesi kúni-aq álemniń ekinshi bóligine jetýi múmkin. Sondyqtan da aqparat almasý jáne yntymaqtastyq kóptegen problemany sheshýdiń basty aspektisi sanalady. Qazirgi ýaqytta zertteý qyzmetine bazar nazar aýdar qajettigin túsinip otyrmyz. Barlyq ýaqytta da jańa vaktsına ázirleýimiz qajet. Adamdardy qorǵaýǵa tıispiz», - dedi Djeıme Kalderon.