COVID-19: Aqtóbe shekarasy arqyly ótkenderge arnaıy algorıtm daıyndalady
Ótken táýlikte óńirde 5 adamnan koronavırýs ınfektsııasy anyqtaldy. Aýyryp, dáriger kómegine júgingen eki adamnyń biri Aqtóbe qalasynyń, ekinshisi Qarǵaly aýdanynyń turǵyny. Olar COVID-19 dertine shaldyqqandarmen baılanysta bolǵan. Sonymen birge 3 adam indettiń sımptomsyz túrine shaldyqty. Úsheýi de er adam. Olar Jaısań jáne Álimbet shekara beketinde PTR test tapsyryp, zerthanalyq tekserý kezinde dıagnoz rastaldy.
«Jaǵdaı turaqty, alaıda halyqaralyq júk tasymalymen aınalysatyn kólik júrgizýshileriniń jaǵdaıy alańdatady. «Jaısań» shekara beketinde Túrkistan oblysynyń eki turǵyny men RF azamatynan PTR testin alynyp, synama oń nátıjesi anyqtaldy. Olar turǵylyqty jeri boıynsha em qabyldaıtyn bolady. Alysqa qatynaıtyn kólik júrgizýshileriniń óńir turǵyndarymen baılanysýyna jol bermeý úshin is-qımyl algorıtmin ázirleý josparyn usynamyn. Soǵan sáıkes tasymaldaýshylar óńirdiń aýmaǵynan shyǵyp ketkenshe arnaıy qyzmet mamandary erip júrgeni durys», - oblys ákiminiń birinshi orynbasar Nurjaýǵan Qalaýov. Oblys ákimi Ońdasyn Orazalın jergilikti ákimdik, polıtsııa jáne oblystyq taýarlar men qyzmetterdiń sapasyn jáne qaýipsizdigin baqylaý departamentteriniń ókilderine kólik ótetin jerlerdegi baqylaý jumysyn kúsheıtýdi tapsyrdy.
Aıta keteıik, óńirde barlyǵy 3330 jaǵdaı tirkeldi. Olardyń 97 paıyzdan astamy jazyldy. Qazir 233 adam úı karantıninde jatyr. Dáriger baqylaýyna alyndy.