Cot vaıner Meıirjan Tórebaevty tergeý abaqtysynan úıqamaqqa aýystyrdy

ALMATY. QazAqparat - Almatyda Mudarabah Capital qarjy pıramıdasyn qurý jáne basqarý faktisi boıynsha sot jalǵasyp jatyr, dep habarlaıdy QazAqparat tilshisi.

Aldyn ala tyńdaý barysynda Almaly aýdandyq sotynyń sýdıasy Kámshat Saýrova Meıirjan Tórebaevtyń múddesi úshin advokattyń bultartpaý sharasyn úıqamaqqa aýystyrý jónindegi aryzyn qanaǵattandyrý týraly sheshim qabyldady.

Meıirjan Tórebaevqa turǵylyqty jerinen ketýge, áleýmettik jelilerdi paıdalanýǵa jáne baspasózben sóılesýge tyıym salyndy.

Sot Meıirhan Shernııazovqa jáne basqa da tulǵalarǵa qatysty bultartpaý sharasyn ózgerissiz qaldyrdy.

Buǵan deıin Meıirjan Tórebaev isti prokýrorǵa qaıtarýdy, al qorǵaýshysy bultartpaý sharasyn úıqamaqqa ózgertýdi suraǵan bolatyn.

Keıingi otyrysta memlekettik aıyptaýshy, prokýror Erlan Qulanbaev qylmystyq isti toqtatýǵa negiz joq ekenin aıtqan edi.

Aıta keteıik, 12 jeltoqsanda qarjy pıramıdasyn qurdy dep aıyptalǵan tanymal vaınerlerdiń isi sotqa joldanǵan bolatyn.

Qarjy pıramıdasy isi boıynsha, A. Oraz pen A. Saıdbaevqa halyqaralyq izdeý jarııalanǵan.

Qadaǵalaý organynyń málimetinshe, qylmystyq istiń negizinde 41 jyljymaıtyn múlikke, 3 avtokólikke, 9 bank shotyna jáne 16 kompanııanyń jarǵylyq kapıtalyndaǵy ártúrli úlesterge tyıym salyndy.

Eske salaıyq, Almaty qalalyq polıtsııa departamentiniń tergeý basqarmasy tanymal vaınerler Meıirjan Tórebaev pen Meıirhan Shernııazovqa QR Qylmystyq kodeksiniń 217-baby 3-bóligi boıynsha aıyp taqty.

Keıinnen Meıirjan Tórebaev pen Meıirhan Shernııazov ustalǵan bolatyn.

Foto: instagram.com/meirzhach_tv