Connected konferentsııasyna álemniń 27 elinen kelgen 2 myńnan astam sarapshy qatysty
2024 jylǵy 18-19 qazanda Astanada ótken «Connected-2024: keleshektiń beınesin paıymdaý» halyqaralyq konferentsııasy álemge áıgili sarapshylar búkil adamzattyń bolashaǵy týraly kózqarastaryn usynǵan biregeı alańǵa aınaldy. Qazirgi zamannyń negizgi syn-qaterleri men múmkindikterin taldaý maqsatynda konferentsııa jahandyq qundylyqtardy ilgeriletýdiń mańyzdylyǵyna senetin álemniń ártúrli elinen kelgen ózgeris agentterin, sondaı-aq bilim men saraptamany sanaly túrde qoldanýdy biriktirdi.
Іs-shara qorytyndysy boıynsha naqtylanǵan málimetterge sáıkes, konferentsııaǵa álemniń 27 elinen 2 000-nan astam delegat qatysty: AQSh, Ulybrıtanııa, Germanııa, Shveıtsarııa, Nıderland, Ispanııa, Italııa, Polsha, Horvatııa, Fınlıandııa, Bolgarııa, Estonııa, Grýzııa, Qytaı, Ońtústik Koreıa, Sıngapýr, Indonezııa, Izraıl, Túrkııa, BAÁ, Ońtústik Afrıka, Nepal, Qyrǵyzstan, Ózbekstan, Tájikstan, Ázerbaıjan jáne Qazaqstan.
Іs-sharanyń bas demeýshisi – kásipker, ınvestor jáne AITAS holdınginiń negizin qalaýshy Serik Tolyqbaev qazir árqaısymyzdyń belgisizdik kezeńinen ótip jatqanymyzdy aıtty.
«Álemdi úlken problemalar, geosaıasat, din, ıdeologııa deńgeıindegi qaqtyǵystar bólip tur. Biz spıkerlermen birge tabýǵa tyrysqan eń mańyzdy suraq – adamdar óz egosymen ne isteý kerek degen suraq boldy. Biz oǵan jaýap izdeýdi jalǵastyra beremiz dep úmittenemin. Kem degende, izdeý joldaryn anyqtaımyz.
Bizdiń basty mindetimiz – Qazaqstanda bolashaq týraly 20-30 jylǵa aldyn ala oılaıtyn qoǵamdastyq bar ekenin álemge kórsetý. Biz ómir súrip jatqan álemdi qaı álem almastyratynyn túsiný – óte mańyzdy mıssııa. Men bolashaq álemdi adamı qundylyqtar basqaratynyna senemin. Jańa álemge eń aldymen úılesimdilik qajet», - dedi ol.
Óz kezeginde Aitas Foundation bas dırektory, Connected qozǵalysynyń negizin qalaýshy Serik Júnisov pikirin ortaǵa saldy.
«Biz búgingi tańda ózekti álemdik problemalardyń sheshimin izdeýge dúnıetanymdyq kózqaraspen qaraǵymyz keledi. Osy tańǵajaıyp belgisizdik kezeńinde bolashaqtyń jalpy beınesin jahandyq sınhrondaý múmkin be? Tabıǵat bizge jaýap berýdiń kiltin berdi. Biz muny sınhrondaý mysaldarynan kóre alamyz – jaryq qońyzdardyń jypylyqtaýy, metronomnyń sınhrondalǵan qozǵalysy. Olar úılesimdilikte birigý arqyly yrǵaqty tabady. Bul mańyzdy shyndyqty jasyrady: jahandyq narratıvter de úılesimdi bola alady», - dedi ol.
Connected konferentsııasy qundylyqtardyń nemese bilimniń bir júıesimen shektelmeıdi, biraq ǵylym men ónerden fılosofııa men áleýmettik ǵylymdarǵa deıingi ártúrli salalardyń obektıvi arqyly kóp qyrly álemdi ashyq túrde zertteıdi. Іs-shara Open Mind formatynda ótti. Konferentsııaǵa qatysýshylar jańa ıdeıalardy qabyldaýǵa, óz senimderin synı turǵydan qaıta qaraýǵa jáne basqalardan úırenýge múmkindik aldy.
Uıymdastyrýshylar atap ótkendeı, bul tásil ómirdiń ártúrli salalary arasyndaǵy qatynastardy kórýge múmkindik beredi, shyǵarmashylyq oılaýǵa jáne kúrdeli máselelerdi tıimdi sheshýge yqpal etedi. Sondaı-aq alýan túrli álemde empatııa men yntymaqtastyq qabiletin nyǵaıtady.
«Álem aldyndaǵy jaýapkershilik, adamdarǵa degen qurmet, qoǵamǵa paıda, qorshaǵan ortaǵa qamqorlyq, bilim berý men bolashaq urpaqty damytýǵa ınvestıtsııa salý – bul adamdardyń oıyndaǵy ǵana shartty uǵymdar emes. Bizdiń uıymdastyrý toby úshin bul – DNQ-nyń bir bóligi. Muny óz elimizde de, búkil álemde de dáleldeýge jáne kórsetýge tyrysamyz. Sondyqtan Connected konferentsııasy barysynda biz álemniń túrli elderinen kelgen daryndy oıshyldardy bir alańǵa biriktirý mindetin qoıdyq», - dep atap ótti Connected qozǵalysynyń negizin qalaýshylarynyń biri, konferentsııanyń bas prodıýseri Rýslan Jemkov.
Іs-sharanyń basty hedlaınerleriniń biri tarıhshy, fýtýrolog, adamzattyń bolashaǵy týraly bestseller avtory ıÝval Noı Hararı boldy. Ol jasandy ıntellektiniń qaýipti tusy týraly aıtty.
«Myńdaǵan jyldar boıy aınalamyzdaǵy barlyq nárse, fızıkalyq artefaktilerden bastap qarjylyq, dinı jáne saıası júıelerge deıingi nárseniń barlyǵy da adam sanasynyń ónimi boldy. Jer planetasynda mundaı zattardy adamnan basqa eshkim oılap taba almaıtyn edi. Al endi jasandy ıntellekt qarjy júıelerinen dinı júıelerge deıingi barlyq salada qundylyqtardyń jańa túrlerin oılap taba bastaýy múmkin», - deıdi fýtýrolog.
Sondaı-aq konferentsııa hedlaınerleriniń biri shveıtsarııalyq fýtýrıst, gýmanıst, «Tehnologııalar adamǵa qarsy» kitabynyń avtory Gerd Leongard konferentsııa qatysýshylaryna «Adamdar men mashınalar, adam ıntellektisi jáne jasandy ıntellekt: 2030 jylǵy álem» taqyrybynda prezentatsııa usyndy.
Spıker atap ótkendeı, JI – ot nemese baspa mashınasy sııaqty keń qoldanylysqa ıe tehnologııa. Sondaı-aq bul – biz úshin jumaqqa da, tozaqqa da aınalýy múmkin jańa tehnologııalyq platforma. Gerd Leongard adamda kúsh pen múmkindik neǵurlym kóp bolsa, soǵurlym olarǵa danalyq qajet bolady dep esepteıdi.
«Biz adamgershiligimizdi qorǵap, saqtaı otyryp, jańa múmkindikterdi qabyldaýymyz kerek. Qarjylyq paıdany arttyrýdan tys qundylyqtar men maqsattardy qaıta anyqtaǵanymyz jón. Aldaǵy jasandy ıntellekt dáýirinde tehnologııany basqarý nemese olardyń kómegimen jyldamyraq bolý qabileti úshin emes, androrıtmder úshin – bizdiń biregeı adamı daǵdylarymyz ben qasıetterimiz úshin baǵalanatyn bolamyz», - dep atap ótti Gerd Leongard.
Connected konferentsııasyna spıker retinde tómendegi kórnekti sarapshylar qatysty:
Jasyl ekonomıka salasyndaǵy Nobel syılyǵynyń laýreaty Rae Kvon Chýng; fýtýrologtar qaýymdastyǵynyń prezıdenti, Eýropalyq komıssııanyń forsaıt-keńesshisi Tanıa Shındler; Oksford ýnıversıtetiniń professory jáne «Jibek joly. Álemniń jańa tarıhy» bestselleriniń avtory Pıter Frankopan; «Qytaıdyń jasyl qudaıy» jáne jasyl damýdyń advokaty Peggı Lıý; Stenford ýnıversıtetiniń professory, jasandy ıntellekt kýrstarynyń avtory ıÝnes Bensýda Mýrrı, WIRED jýrnalynyń alǵashqy bas redaktory Devıd Roýen; fýtýrolog, trend taldaýshysy, ekonomıst, BUUDB-nyń bolashaq máseleleri jónindegi ǵylymı qyzmetkeri Bronvın Ýılıams; tıbettik lama, sheber, avtor Shıalpa Tenzın Rınpoche; Afrıkanyń eń yqpaldy adamdarynyń (Forbes) TOR-10 kiretin júıelik oıshyl jáne metsenat Mamadý Kvıdjım Týre; analıtıkalyq Whetston ortalyǵyndaǵy strategııalyq boljaý boıynsha sarapshy jáne Z býynynyń negizgi baıandamashysy Djahkını Bısselınk jáne t.b.
Sonymen qatar konferentsııa aıasynda Ortalyq Azııa men Shyǵys Eýropanyń ambıtsııalyq EdTech-startaptary arasynda Startup Battle konkýrsy ótti. Oǵan Qazaqstan, Ózbekstan, Qyrǵyzstan, Ázerbaıjan, Estonııa, Polsha jáne Grýzııa komandalary qatysty. Baıqaýdyń júlde qory 50 000 dollardy qurady, olar 5 jeńimpaz arasynda teń bólindi.
Aldaǵy ýaqytta Connected konferentsııasy qoǵamnyń ártúrli salalaryndaǵy ózgerister agentteri týdyratyn mańyzdy jahandyq áńgimeler men syn-qaterlerdi talqylaıtyn turaqty negizde jumys isteıtin álemdik pikirtalas alańyna aınalý múmkindigine ıe.
Connected konferentsııasynyń bas demeýshisi elimizdegi jetekshi agroónerkásiptik holdıng – AITAS holdıngi.
Іs-sharaǵa Bilim berýdi turaqty damytý qory, QR Ǵylym jáne joǵary bilim mınıstrligi, QR Oqý-aǵartý mınıstrligi strategııalyq seriktes boldy.