Comirnaty/Pfizer vaktsınasy aýtızm men belsizdik týdyrýy múmkin be

NUR-SULTAN. QazAqparat – QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva «Jýrnalıstıka medıtsınalyq mektebi» jobasynyń onlaın-lektorııasynda Pfizer/Biontech kompanııasynyń Comirnaty preparatymen balalardy vaktsınalaý týraly jıi qoıylatyn suraqtarǵa jaýap berdi, dep habarlaıdy QazAqparat.

Ásirese eń ózektisi – vaktsına qandaı da bir aýrýlardy, atap aıtqanda, qaterli isik, qant dıabeti nemese aýtızm sııaqty genetıkalyq aýytqýdy týdyrmaı ma degen suraq boldy.

«Comirnaty/Pfizer vaktsınasy qaterli isikke de, dıabetke de, aýtızmge de ákelmeıdi. Sondaı-aq, bul basqa sozylmaly aýrýlardyń órshýine yqpal etpeıdi jáne vaktsınalaý qant dıabeti, qaterli isik sııaqty sozylmaly aýrýlary bar adamdarǵa qajet, óıtkeni mundaı adamdarda COVID-19 óte aýyr ótedi», - dedi dáriger.

Sarapshynyń aıtýynsha, Comirnaty/Pfizer vaktsınasynyń bir dozasynyń quramynda kapsýlalanǵan nanobólshekter qabyǵynda 30 mıkrogramm RNQ nemese rıbonýkleın qyshqyly bar.

«Bul RNQ aqparat adamnyń DNQ-syna ene almaıdy, ol naqty antıdenelerdiń túzilýin yntalandyrady jáne orta eseppen 72 saǵattan keıin deneden joǵalady», - deıdi sarapshy.

Esterińizge sala keteıik, Dúnıejúzilik densaýlyq saqtaý uıymy Pfizer kompanııasynyń Comirnaty vaktsınasyn 12-18 jas aralyǵyndaǵy balalar men jasóspirimderdi, júkti jáne bala emizetin analardy vaktsınalaý úshin usynǵan. Bul preparat klınıkalyq synaqtardyń barlyq satylarynan ótip, qaýipsizdiktiń joǵary deńgeıin rastaıdy jáne osy áleýmettik toptarda qoldaný úshin maquldanǵan.