Comic Con Astana festıvaline sheteldik týrıster kelip jatyr
«Festıval elordada 2019 jyly alǵash ret ótken edi. Odan keıin 2023 jyly jáne búgin úshinshi ret uıymdastyrylyp otyr. Festıvaldiń maqsaty — Astanany álemge tanymal etý, týrızm salasyn damytý. Byltyr biz 50 myńnan astam adamdy qabyldaǵan edik. Búgin 45 myńnan astam bılet satyldy. Jeti jasqa deıingi balalar tegin kiredi, osylaısha shamamen 100 myńǵa jýyq adam bolady dep josparlap otyrmyz. Mundaı festıval álemde aýqymdy túrde óte bermeıdi. Sondyqtan alys-jaqyn shet elderden de 3-5 myń qonaq keldi. Árıne, ózimige shekaralas elderden kóbirek keledi. Festıval negizinen demeýshiler esebinen júrgiziledi, ákimdik óz kezeginde is-sharanyń qaýipsiz ótýine atsalysady», — deıdi Astana qalasy ınvestıtsııalar jáne kásipkerlikti damytý basqarmasy basshysynyń orynbasary Maqsat Jańabaı.
Festıval shoý baǵdarlamasynyń dástúrli elementi — júlde qory 12 000 000 teńgeni quraıtyn halyqaralyq kospleı baıqaýy bolmaq.
Oǵan qatysýǵa 14 eldiń kospleıshileri ótinish bildirdi: Qazaqstan, Qyrǵyzstan, Ózbekstan, Ázerbaıjan, Belarýs, Reseı, BAÁ, Qytaı, Gúrjistan, Chernogorııa, Ulybrıtanııa, Armenııa, Kıpr jáne Taıland.
Kospleı baıqaýynda qazylar alqasy quramynda Danııadan kelgen daryndy kospleıshi jáne kostıým sheberi Trine, halyqaralyq chempıonattardyń birneshe dúrkin jeńimpazy, Frantsııadan kelgen kospleıshi Cinderys sonymen qatar salada 8 jyldyq tájirıbesi bar kospleıshi, Comic Con Astana 2023 kospleı baıqaýynyń jeńimpazy Keller bar.
Festıvaldiń basty hedlaınerleriniń biri — «Gannıbal» serıalymen, sondaı-aq «Doktor Strenj», «Kazıno Roıal», Rogue One: A Star Wars Story, Indiana Jones and the Dial of Destiny fılmderimen tanymal dat akteri Mads Mıkkelsen bolmaq.
Arnaıy qonaqtar — vıdeobloger Chuck Review, Anastasiz jáne ıAn Toples, dýblıaj akterleri Vsevolod Kýznetsov, Petr Glants, Islam Gandjaev, Egor Vasılev, sýretshi-ıllıýstrator Djuney9.
Sondaı-aq, TMD elderine tanymal «Slovo patsana. Krov na asfalte» serıalynda basty rólderdiń birin somdaǵan akter Rýzıl Mınekaev konventke qatysady.
Festıvalge doramalardy, sondaı-aq koreı fılmderin aýdarýǵa jáne dýblıaj jasaýǵa mamandanǵan tanymal SoftBox stýdııasynyń negizin salýshy «Hanzada Lımon men Akonıa» esimimen tanylǵan ıÝrıı jáne Arýna Kım qatysady.
Taǵy bir tanymal qonaq — «Vnýtrı Lapenko» serıaly arqyly kóptegen kórermenge tanys akter jáne vıdeobloger, sondaı-aq «Nastoıaşıı geroı» komıksi boıynsha túsirilgen fılmniń basty keıipkeri Anton Lapenko.
Sýretshi, prodıýser, survival horror jáne vızýal horror janryndaǵy «Zaıchık» kompıýter oıynynyń avtory Saikono Joker, «Vedmak» jankúıerleri úshin Maul Cosplay atymen tanymal Germanııadan kelgen ataqty Geralt kospleıshisi Ben Shamnyń qatysýy da tosynsyı bolady.
JKS Entertainment prodıýserlik kompanııasynyń blogerleri (Homa, Alına, Adalıat, Aıda jáne Rahat), akter Ásel Saǵatova, Sanjar Mádı, Gúlnar Silbaeva jáne Dına Tasbolatova barlyq suraqtarǵa jaýap beredi jáne qonaqtarǵa qoltańba-sessııa ótkizedi.
Sondaı-aq qazaqstandyq qonaqtardyń arasynda rejısser Aısultan Seıitov bar.
Іs-sharada «Prıgovor» fılm avtorlarynyń jańa Jurek jobasynyń tusaýkeseri josparlanǵan. Tanymal 3D Cinematic ártis jáne kontent-kreator Feoktıst Alekseev (Design by FEO) óziniń jańa Bulletproof anımatsııalyq mýltserıalyn usynady.
Comic Con Astana festıvalinde Sálem Entertainment medıa-kompanııasy eksklıýzıv túrde Offside, «4 gradýs», «QARGA 2», «Tyrna», «Nıanıa 2», «Patrýl 7» sııaqty aldaǵy birneshe jobasyn jáne «SÁKE», «Patrýl» tolyqmetrajdy fılmderin usynady.
Sonymen qatar, festıval baǵdarlamasynda gık-jármeńke, tanymal avtorlardyń dáristeri, ústel oıyndary, kıbersport qondyrǵylary usynylady.
Festıval kúnderi dástúrli túrde talantty sýretshiler, kitap jáne komıks avtorlary, ıllıýstratorlar jáne kreatıv ındýstrııanyń basqa da birqatar ókilderi jumystarynyń kórmesi — Avtorlar alleıasy ótedi.
Bul alańda dástúrli túrde arnaıy kerek-jaraqtar, anıme, komıkster, kitaptar, qolóner buıymdary nemese erekshe taýarlar satyp alýǵa bolady.
Onda jankúıerlerdiń júregin jaýlaǵan tanymal avtorlar da, jarqyn debıýtanttar da bolady.
Avtorlar alleıasynyń jumysyna 100-den astam avtor qatysady.