Comic Con Astana festıvali aıasynda Garrı Potter qazaqsha sóıledi
«Stepe&World» baspasynyń negizin qalaýshy ári dırektory Raısa Saıran Qadyrdyń atap ótýinshe, kitapty tek aýdarý emes, qazaqtildi ortada qyzyǵýshylyq klýbtaryn qurý mańyzdy. Mysaly, baspa úıi «Potterhedter» dep atalatyn jas sıqyrshy Garrı Potter týraly dastan jankúıerleri qaýymdastyǵyn qoldaıdy.
«Biz úshin kitapty aýdarý ǵana emes, oqyrman sanynyń barynsha kóp bolýy mańyzdy. Sondyqtan, Garrı Potter týraly kitaptardy aýdarýmen qatar, biz Potterhedter qaýymdastyǵyn da damytamyz. Kitap qazaq tiline aýdarylmaǵan kezeńde qalyptasqan alshaqtyqty joıý biz úshin mańyzdy», - dep atap ótti Raısa Saıran Qadyr.
«Steppe&World» baspasy qazaq tilin tanymal etýmen jáne álemdik bestsellerlerdi aýdarýmen aınalysady. Osy ýaqytqa deıin baspa 100-ge jýyq kitap men komıksti aýdardy, olardyń arasynda Garrı Potter serııasynan basqa «Narnııa shejiresi», «Dogman» komıksteri jáne «Álsizdiń kúndeligi» bar.
Comic Con Astana – komıkster ındýstrııasyna, kınematografııa, vıdeo oıyndar, anıme jáne ózge de zamanaýı baǵyttarǵa arnalǵan halyqaralyq festıval. Qazaqstan astanasynda bul shara 15 qyrkúıekte bastalǵan bolatyn, búgin sońǵy kún.