«Cola» sýsynyna qosylǵan: UQK metamfetamınniń iri partııasynyń kontrabandalyq arnasyn joıdy

<p>ASTANA. KAZINFORM &ndash; Ulttyq qaýipsizdik komıteti prokýratýra organdarynyń úılestirýimen metamfetamınniń iri partııasynyń kontrabandalyq arnasyn joıdy.</p>

Foto: QR UQK baspasóz qyzmeti

Shymkent qalasynda júrgizilgen operatsııa nátıjesinde esirtki alýy barysynda osy arnany uıymdastyrýda kúdikti sheteldik azamat ustaldy.

Aýyr júk kóligin tekserý barysynda «Cola» sýsynynda erigen 90 lıtrden astam esirtki tabylyp, tárkilendi.

Saraptamamen suıyqtyqtyń quramyndaǵy tyıym salynǵan zattardyń kontsentratsııasy 80% - dan asatyny anyqtaldy.

Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgiziledi.

«QR Qylmystyq-protsestik kodekstiń 201-baby 1-bóligine sáıkes ózge aqparat jarııa etilmeıdi»,-delingen QR UQK baspasóz qyzmeti taratqan aqparatta.

Foto: QR UQK baspasóz qyzmeti