CQO-nyń jas ǵalymy 50 mln astam teńge grant jeńip aldy
Svetlana Lýtsak - Kozybayev University-diń «Matematıka jáne ınformatıka» kafedrasynyń dotsenti, PhD doktory. Jas ǵalymnyń jobasy QR BǴM ótkizgen 2021-2023 jyldarǵa arnalǵan ǵylymı jáne ǵylymı-tehnıkalyq jobalar boıynsha jas ǵalymdardy granttyq qarjylandyrýǵa arnalǵan baıqaýda jeńiske jetti. Osylaısha 50 648 800 teńge grant jeńip aldy.
Baıqaýǵa Qazaqstannyń jetekshi ýnıversıtetteriniń, zertteý ortalyqtary men ınstıtýttarynyń ǵalymdary ótinim berdi. Alaıda jobalardyń barlyǵy maquldanǵan joq. Baıqaýdan ótý úshin ǵylymı zertteýlerdiń ózektiligin rastap, praktıkalyq mańyzdylyǵyn negizdeý qajet boldy.
Svetlana Lýtsak bul baıqaýǵa «Ámbebap algebra jáne torlar teorııasy» jobasyn usyndy.
«Baıqaý maýsymnyń sońynda jarııalandy, men tamyzda ótinim berdim. Jarty jyl sheshimin kúttim. Meniń jobam ámbebap algebra jáne tor teorııasy salasy boıynsha zertteýlerdi jalǵastyrýǵa múmkindik beredi.
Bul másele burynnan kóterilip jáne kvazıtorlardy zertteý birneshe ondaǵan jyldar boıy birqatar - Qyrǵyzstan, Polsha, Reseı, AQSh-ta qarqyndy júrgizilgenine qaramastan, ony sheshýdiń tıimdi tásilderi áli kúnge deıin tabylǵan joq. Osy joba sheńberinde alynǵan nátıjeler modelder teorııasy, esepteý teorııasy, dıskretti matematıka, sonymen qatar ınformatıka jáne bıologııa sııaqty salalarda qoldanylady», - deıdi Svetlana Lýtsak.
Jas ǵalym osy saladaǵy zertteýlermen 2017 jyldan bastap aınalysyp keledi. Berilgen grantty ol endi úsh jylda ıgerýi qajet.
«Bul jeńis maǵan úlken jaýapkershilikti júkteıdi. Alda orasan eńbek tur. Jalpy bul jobanyń Qazaqstanda teńdesi joq, ol – biregeı, ámbebap algebramen baılanysty. Qarajat is-saparlarǵa, tájirıbe jınaý úshin qajet túrli konferentsııalar men kongresterge qatysýǵa, ǵylymı maqalalar jazyp, ony elde, shetelderde basyp shyǵarýǵa jáne qajetti qondyrǵy alýǵa jumsalady», - deıdi PhD doktory Svetlana Lýtsak.