CQO-daǵy Sileti ózeninde muz jarý jumystary ótti

<p>PETROPAVL. KAZINFORM &ndash; Soltústik Qazaqstan oblysyndaǵy ózenderde muz jarý jumystary bastaldy. Sý tasqynyna qarsy is-shara Qýlykól aýylynyń mańyndaǵy Sileti ózeninde ótti.&nbsp;</p>

SQO Tótenshe jaǵdaılar departamenti baspasóz qyzmetiniń málimetinshe, 21 naýryzda «KMD Holdı» JShS mamandary Ýálıhanov aýdany Qýlykól aýylynyń mańyndaǵy Sileti ózeniniń 3 ýchaskesinde jarylys jumystaryn júrgizdi. Jalpy aýdany - 1 200 sharshy metr.

Kóktemgi sý tasqynyna qarsy jumystyń tıisti deńgeıde atqarylýyn tótenshe jaǵdaılar bóliminiń basshylyǵy, aýdan ákimdiginiń jáne Qýlykól aýyldyq okrýgi ákimdiginiń ókilderi baqylady. Qaýipsizdikti Qýlykól aýyldyq okrýginiń ýchaskelik polıtsııasy qamtamasyz etti.

«Muz jamylǵysyn jarý - kóktemgi muz aǵyny kezeńinde keptelistiń týmaýy, tasqyn sýdyń jolyn ashý úshin jáne Qýlykól aýyldyq okrýginiń eldi mekenderin kóktemgi sý tasqyny kezinde sý basýdan qorǵaý maqsatynda júrgizildi. Muzdy usaqtaý nátıjesinde ózende keptelisterdiń paıda bolý múmkindigi azaıady. Bul sýdyń kóterilý deńgeıin tómendetýge múmkindik beredi. Muz jarý jumystarynan keıin ózenniń muz betinde jaryqtar paıda bolady. Sol sebepti onyń ústine shyǵý asa qaýipti ekenin eskertemiz», - deıdi qutqarý qyzmeti.