CQO-da ótken táýlikte 8 aýdanda koronavırýs ınfektsııasy tirkeldi

PETROPAVL. QazAqparat – Soltústik Qazaqstan oblysynda ótken táýlikte 13 aýdannyń 8-inde koronavırýs ınfektsııasy tirkeldi, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, ótken táýlikte óńirde koronavırýs ınfektsııasyn juqtyrýdyń 52 jaǵdaıy tirkeldi. Onyń ishinde 24 adamda ǵana aýrý belgileri bolǵan.

Petropavl qalasy aýyrǵandar boıynsha alda keledi. 10 qańtarda 18 adamnan anyqtalǵan. Budan basqa taǵy 8 aýdanda KVI juqtyrǵandar tirkeldi.

Reseımen shekaralas M.Jumabaev aýdanynda – 9, Esil aýdanynda – 7, Aıyrtaý aýdanynda – 6 jáne Ǵ.Músirepov aýdanynda 5 adam. Taıynsha, Shal aqyn, Mamlıýt, Qyzyljar aýdandarynda 1-2 syrqattan.

Ótken táýlikte 1006 adam PTR test tapsyrǵan. Jalpy pandemııa bastalǵaly SQO-da 225 370 adam osy ádispen tekserildi. Olardyń tek 4 %-iniń ǵana kórsetkishteri oń bolǵan.

Jalpy óńirde aýyrǵandar sany 9185-ke jetti.