CQO-da Nursultan esimdi 19 polıtsııa qyzmetkeri eńbek etedi
SQO Polıtsııa departamenti baspasóz qyzmetiniń habarlaýynsha, Nursultan esimdi tártip saqshylarynyń barlyǵy – táýlsizdiktiń alǵashqy jyldarynda ómirge kelgen, jastary 25 pen 30 aralyǵynda. Aralaryndaǵy eń jasy Nursultan Qanǵojın Kóshi-qon qyzmeti basqarmasynyń zańsyz kóshi-qonmen kúres arnaıy jeke vzvodynyń kishi ınspektory. 23 jastaǵy jigit polıtsııa qyzmetin osy salada birneshe jyl eńbek etken áke jolyn jalǵamaqqa tańdapty.
«Bizdiń shańyraǵymyzda Elbasyn qatty qurmetteıdi. Sol kisi sııaqty bilimdi, ádil, syıly bolsyn dep meniń atymdy ájem qoıǵan», - deıdi Nursultan Qanǵojın.
Nursultannyń atasy belgili jýrnalıst, jazýshy, aqyn Mútallap Qanǵojın. Tuńǵysh Prezıdenttiń oblysqa saparlary barysynda Elbasymen talaı kezdesip, tipti oǵan arnaǵan óleńin de oqyǵan. Kitabyn da syıǵa tartypty.
«Atam maǵan únemi Elbasyn úlgi etip, «sol sııaqty kóregen bol, kúsh-qaıratyńdy, bilimińdi eliń úshin, halqyń úshin jumsa» dep únemi aıtyp otyrady. Ákem erte júrek talmasynan qaıtys boldy. Úlken atam Ekinshi Dúnıejúzilik soǵysqa qatysyp, 1942 jyly Tver oblysynda habarsyz ketti. Al Nursultan Ábishuly maǵan ǵana emes, barlyq áriptesterime Otanǵa adal qyzmet etýdiń úlgisi», - deıdi Nursultan.
Oblystyń ishki ister organdarynda qazir Elbasynyń 18 attasy qyzmet atqaryp júr.