CQO-da esirtki saýdasyna qatysty jazalanǵandardyń tórtten biri – 23-ke deıingi jastar
SQO qoǵamdyq keńesinde nashaqorlyqtyń aldyn alý máselesi kóterildi. Oblystyq polıtsııa departamenti Esirtki qylmysyna qarsy is-qımyl basqarmasynyń bastyǵy Ivan Terzıdıdiń aıtýynsha, óńirde 2022- 2023 jyldarǵa arnalǵan esirtki qylmysyna qarsy is-qımyl jáne nashaqorlyqtyń aldyn alý sharalaryn jetildirý jónindegi Jol kartasy bar. Sol boıynsha jyl basynan beri 410 profılaktıkalyq is-shara ótkizilip, oǵan 50 myńnan astam adam qatysqan.
«Resmı statıstıka kórsetkendeı, esirtki tutynýshynyń ári esirtki taratýshynyń jasy edáýir jasarǵan.
Eger 10-12 jyl buryn esirtki satýshy nemese esirtki tutynýshy 30-40 jas aralyǵyndaǵy kózge úırenshikti qylmysker bolsa, qazirgi ýaqytta bul ártúrli áleýmettik toptaǵy jáne 15 pen 25 jas aralyǵyndaǵy jastar.
Mysaly, 2022 jyldyń 9 aıynda esirtki zattarynyń zańsyz aınalymy úshin 112 adam, onyń ishinde 17 men 23 jas aralyǵyndaǵy 25 adam qylmystyq jaýapkershilikke tartyldy, byltyr uqsas kezeńde osy jastaǵy 7 adam ǵana ustalǵan», - deıdi Ivan Terzıdı.
Mamannyń aıtýynsha osy sebepti búgingi kúni nashaqorlyqtyń aldyn alýdyń maqsatty aýdıtorııasy – jastar bolyp otyr. Júrgizilip jatqan jumystyń nátıjesinde bıyl kámeletke tolmaǵandar arasynda esirtkini mólsherden asyra qabyldaý faktilerin tirkeý ótken jyldyń uqsas kezeńimen salystyrǵanda 50 % tómendedi.
«Osy jumys barysynda kezdesetin problemany atap ótkim keledi. Bul SQO-da sıntetıkalyq preparattarǵa saraptama júrgizý múmkindiginiń joqtyǵy, saldarynan bul Esirtki qylmysyna qarsy is-qımyl basqarmasynyń jumysyn qıyndatady, ıaǵnı sıntetıkalyq esirtkini taratqany úshin ustalǵan adamdardyń jaýapkershilikten bas tartý bóligi. Osyǵan baılanysty «Fýre» mass-spektrometrııalyq detektory bar gaz hromatogrofyn satyp alý qajet», - deıdi Ivan Terzıdı.