CQO-da bıyl 400-den asa turǵyn ınternet alaıaqtarǵa jem boldy
SQO polıtsııa departamenti baspasóz qyzmetiniń málimetinshe, ınternet alaıaqtardyń quryǵyna túsken 400 adamnyń basym bóligi – áıelder. Olar ınternet
arqyly onlaın satyp alý nemese taýaryn satý barysynda aldanǵan. Sonyń ishinde OLX platformasy arqyly 141 soltústikqazaqstandyq zardap shekse, 15 turǵyn «Kolesa» saıtynan qosalqy bólshek satyp almaq bolyp, aldaýdyń qurbanyna aınalǵan. 120 jaǵdaıda alaıaqtar ózderin bank qyzmetkerimin dep tanystyryp, aram pıǵyldaryn júzege asyrǵan.
«Tsıfrlyq resýrstar qarqyndy damyǵan zamanda túrli zamanaýı tehnologııalarmen baılanysty qylmystardyń sany aıtarlyqtaı ósti. Kóbine ınternette qosymshany paıdalanatyn azamattar aldanyp jatady. Sonymen qatar qylmyskerler mobıldi baılanysty óz maqsattarynda paıdalanady. Túsindirý jumystary belsendi júrgizilýine qaramastan, búgingi kúni ınternet-alaıaqtyq – keń taraǵan qylmys túri», - deıdi SQO PD krımınaldyq polıtsııa basqarmasynyń bastyǵy Petr Klımov.
9-15 tamyz aralyǵynda SQO polıtseıleri aqparattyq tehnologııalar salasyndaǵy qylmystarmen kúreske baǵyttalǵan «Anti-fraud» jedel- profılaktıkalyq is-sharasy aıasynda jumys istedi. Osy ýaqyt aralyǵynda onlaın jasalǵan 24 qylmys ashyldy.
Bir apta ishinde zańsyz kontenti bar saıttarǵa 145 silteme anyqtaldy. Olardy buǵattaý boıynsha aqparat quzyrly organǵa joldandy. Jalpy jyl basynan SQO-da jedel ýákilderi ınternet keńistikke monıtorıng júrgizý barysynda osyndaı 600-ge jýyq siltemeni anyqtady, onyń qatarynda jalǵan habarlandyrýlar da bar.