Tsıfrlyq ýnıversıtettiń etalondyq standarty ázirlenedi

ASTANA. QazAqparat – Ár JOO-da «tsıfrlyq ofıtser» laýazymyn engizý tetikteri jalǵasady. Bul týraly Úkimet otyrysynda elimizdegi bilim berýdi damytýdyń 2026 jylǵa deıingi tujyrymdamasyn talqylaý kezinde QR Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Joǵary bilimdi tsıfrlandyrý baǵytynda aýqymdy jumysty atqaryp jatyrmyz. Oqytýdyń jańa formasy – onlaın oqytý engizildi. Bul stýdenttiń tsıfrlyq beıinin qalyptastyrýdy, ıaǵnı student life track, EdTech tsıfrlyq servısterin damytýdy, tsıfrlandyrýdyń ozyq trendterine sáıkes protsesterdi ońtaılandyrý men tsıfrlyq ekojúıeni qalyptastyrýdy kózdeıdi. Qazirgi tańda Coursera, EdX taǵy da basqa onlaın kýrstarynyń aýqymy keńeıtildi», - dedi S. Nurbek.

Onyń aıtýynsha, basqarýdyń jáne bilim berý qyzmetiniń sapasyn arttyrý maqsatynda «Tsıfrlyq ýnıversıtettiń etalondyq standarty» ázirlenetin bolady.

«Sonymen qatar, joǵary bilimdi tsıfrlyq turǵydan transformatsııalaý maqsatynda ár JOO-da «tsıfrlyq ofıtser» (CDO) laýazymyn engizý tetikterin jalǵastyramyz», - dedi mınıstr.

Aıta keteıik, búgin Úkimet otyrysynda bilim berýdi damytýdyń 2026 jylǵa deıingi tujyrymdamasynyń jobasy bekitildi.