Tsıfrlyq teńgeni engizý týraly sheshim qabyldaý modeli ázirlendi
«Bıylǵy birinshi jartyjyldyqta geosaıası jaǵdaıdyń nasharlaýy saldarynan qubylmalylyq pen táýekelder artty. Osyndaı jaǵdaıda biz qarjy júıesiniń turaqtylyǵyn qamtamasyz etý boıynsha jedel sharalar qabyldadyq. Birinshi, naryqtarda buryn-sońdy bolmaǵan ózgeristerge toly oqıǵalar kezinde Ulttyq banktiń jedel sharalary qarjy naryǵyndaǵy jaǵdaıdy turaqtandyrýǵa múmkindik berdi. Biz teńge baǵamynyń shekten tys aýytqýyn shekteı otyryp, onyń ınflıatsııaǵa aýysýyn tejedik. Ekinshi, qarjylyq turaqtylyqty qamtamasyz etý jáne teńgedegi aktıvterdi saqtaý úshin Teńgedegi salymdardy qorǵaý baǵdarlamasy qabyldandy», - dedi Ulttyq bank tóraǵasy.
Onyń atap ótýinshe, úshinshiden, naryqtardaǵy qubylmalylyqqa qaramastan, Ulttyq qor men zeınetaqy aktıvteriniń uzaq merzimdi kezeńdegi kiristiligi oń kúıinde qalyp otyr.
«Tórtinshi, bıylǵy jylǵy sáýirden bastap Úkimetpen birlesken jumys aıasynda Qazaqstan Respýblıkasy memlekettik baǵaly qaǵazdary FTSE Frontier EM Government Bond ındeksine engizildi. JP Morgan damýshy naryqtardyń memlekettik baǵaly qaǵazdarynyń ındeksine engizý úshin eldiń memlekettik baǵaly qaǵazdaryn «jiti baqylaýǵa» aldy. Besinshi, 1 shildeden bastap Ulttyq bank Lezdik tólemder júıesin jáne Tólem kartochkalarynyń bankaralyq júıesin ónerkásiptik paıdalanýǵa qosty. Paıdasy men shyǵasylaryn baǵalaı otyryp, tsıfrlyq teńgeni engizý týraly sheshim qabyldaý modeli ázirlendi», - dedi Ǵalymjan Pirmatov.