Tsıfrlyq televıdenıe: qaı oblysta qoljetimdi

ASTANA. QazAqparat - QR Aqparat  jáne kommýnıkatsııalar vıtse-mınıstri Alan Ájibaevtyń aıtýynsha, Qazaqstanda tsıfrlyq teledıdardyń sıgnaly bar.

 Alaıda texnıkalyq sebepterge baılanysty onymen barlyq aımaqtardy qamtý qıyndaý bolyp jatyr, dep xabarlaıdy QazAqparat  tilshisi.

"Qazaqstannyń terrıtorııasy keń. Oblys ortalyǵynan 300-400 shaqyrym shalǵaı jerde ornalasqan aýdandar kóp. Sol sebepti barlyq aımaqtarǵa tsıfrlyq sıgnaldy jetkizý ońaı emes. Degenmen, qazirgi kezde qural-jabdyqtardy ornatý jumystary atqarylyp jatyr. Josparǵa sáıkes, 2020 jylǵa deıin barlyq oblystarda tsıfrlyq teledıdar bolady", - dedi Ájibaev búgin Óńirlik BAQ forýmynda.

Vıtse-mınıstrdiń aıtýynsha, qazirgi kezde Ońtústik Qazaqstan, Almaty, Jambyl, Mańǵystaý jáne taǵy birqatar oblystarda tsıfrlyq teledıdardy ustaýǵa bolady. Sonyń ishinde Mańǵystaý oblysy aýmaǵy ondaı sıgnalmen tolyǵymen qamtylǵan. "Bári televızordyń modeline baılanysty. Máselen, 2012 jyldan keıin shyqqan bolsa, tsıfrlyq sıgnaldy ustaı alady", - dep atar kórsetti A.Ájibaev.

 Aıta keteıik , búgin Astanadaǵy "Qazmedıa" ortalyǵynda Óńirlik BAQ forýmy ashyldy.  Sol jerde mınıstr Dáýren Abaev Óńirlik BAQ alıasynyń nemen aınalysatynyn aıtyp berdi .  Al QR Parlament Májilisiniń depýtaty Saýytbek Abdraxmanov qazaq tilindegi saıttarda traıbalızmniń kúsheıip jatqanyna óz alańdaýshylyǵyn bildirdi .  Budan bólek, saıttardyń reıtıng úshin jumys istep jatqany dasóz boldy .