Tsıfrlyq tehnologııalar dáýirinde Elbasy maqalasynyń mańyzy qandaı
«Memleket basshysynyń «Uly dalanyń jeti qyry» atty maqalasy bizdiń babalardyń san ǵasyrlyq muralarynyń mańyzyn alǵa shyǵarýǵa, ony túsinikti ete otyryp, tsıfrlandyrý dáýirinde qajetti ete túsýge baǵyttalǵan. Qazirgi býyndy óz tarıhyna jáne maqtana alarlyq onyń jetistikterine úńiltý - ýaqtyly ári durys sheshim bolyp tabylady», - deıdi sarapshy.
Aıman Júsipovanyń aıtýyna qaraǵanda, qazirgi tańda kóptegen zertteý jumystary óskeleń urpaqtyń óz tarıhyn bile bermeıtinin, kóp jaǵdaıda úlgi retinde qazirgi býynnyń tulǵalaryn biletinin aıǵaqtaıdy.
«Aǵa býyndy úlgi tutý - álbette qýantady. Alaıda sonymen birge, jastar jasampaz babalaryn, olardyń qazirgi órkenıetke qosqan úlesin de bilýi tıis. Aınalyp kelgende tarıhty túsiný ǵana tulǵany, qoǵamdy, jalpy halyqty tanýǵa, ózin kem-qor kórmeýge, ómir zańdylyǵyn túısinýge, óz taǵdyryn óz qolyna alyp, qazirgi zamandaǵy ornyn aıqyndaýǵa, ulttyq maqtanyshtaryn anyqtap, kemshilikterin túzýge kómektesedi. Ótkendi tanyp bilmeseń, bolashaǵyń bulyńǵyr degen támsildiń osy rette mánin aıqyn túsinýge bolady», - deıdi Aıman Júsipova.
Álemdik ekonomıka jáne saıasat ınstıtýtynyń sarapshysy atap ótkendeı, atalmysh jobalardy júzege asyrý aıasynda Prezıdent birneshe bastamany, sonyń ishinde «Arhıv-2025» jeti jyldyq baǵdarlamasyn, ««Túrki órkenıeti: túp tamyrynan qazirgi zamanǵa deıin» jobasyn, jalpytúrkilik týyndylardyń biryńǵaı onlaın-kitaphanasyn, sonymen birge «Dala folklorynyń antologııasyn», «Uly dalanyń kóne saryndary» jınaǵyn, derekti-qoıylymdyq fılmderdiń, televızııalyq serıaldar men tolyqmetrajdy kórkem kartınalardyń arnaıy tsıklin óndiriske qajettigin kótergen.
«Osy jobalardyń barlyǵy da tsıfrlyq formatta qoljetimdi bolatynyn atap ótý kerek. Bul baǵyt tsıfrlyq tehnologııalardyń damý dáýirinde óte durys bolary aıqyn», - dep túıdi sarapshy.
Aıta ketý kerek, keshe QR Prezıdenti Nursultan Nazarbaev «Uly dalanyń jeti qyry» atty maqalasyn jarııalaǵan bolatyn.
Maqalanyń tolyq mátinin myna jerden oqýǵa bolady.