Tsıfrlyq saýatsyzdyqty joıý baǵdarlamasyn iske qosý qajet - Saıasat Nurbek

NUR-SULTAN. QazAqparat - Tsıfrlyq saýatsyzdyqty joıý baǵdarlamasyn iske qosý qajet. Mundaı usynysty Ulttyq qoǵamdyq senim keńesiniń 3-otyrysynda BTSDigital bilim berý jobalarynyń jetekshisi Saıasat Nurbek jasady, dep habarlaıdy QazAqparat tilshisi.

«Jańa áleýmettik teńsizdik bastalyp kele jatyr. Eger burynyraqta tapqan tabys, shyqqan tekke qatysty kórinis tapsa, qazir bul másele tsırflyq saýattylyqqa qatysty bolyp otyr. Mynadaı tań qalarlyq tarıhı fakti bar eken. Osydan 100 jyl buryn, 1919 jyly «Halyq arasynda saýatsyzdyqty joıý týraly» dekret qabyldanypty. Qazir tsıfrlyq saýatsyzdyqty joıý baǵdarlamasyn iske qosý qajettigi týyndap otyr», - dedi ol.

Onyń atap ótýinshe, taıaý 10 jyldyń ishinde bilim salasynda eń úlken ózgerister bolady.

«Oǵan áser etetin kóptegen faktor bar. Bul máselege qatysty óte kóp zertteýler de jazylǵan. Bilim berý ortasyn damytý boıynsha ulttyq forsaıt (forsaıt - uzaqmerzimdi boljaý tehnologııasy) júrgizý qajettigi pisip jetildi. Bizge taıaý 5-10 jyldyń ishinde boı túzeıtin kontýrdyń qandaı bolatyndyǵyn, bilim berý modeli basymdyqtaryn aıqyndap alý qajet», - dedi Saıasat Nurbek.