Tsıfrlyq maınıng úshin tólemaqynyń jańa saralanǵan stavkalary belgilendi
Salyq kodeksiniń 606-3-babynyń jańa redaktsııasyna sáıkes, tsıfrlyq maınıng úshin tólemaqynyń mólsheri elektr energııasynyń 1 kılovatt-saǵaty qunyna baılanysty bolady.
Arzan baǵada elektr energııasyn qoldanǵan kezde tólemaqynyń stavkasy joǵary, ıaǵnı 25 teńge bolady. Eger kerisinshe, qoldanǵan elektr energııasy qymbat baǵada, ıaǵnı 24 teńgeden joǵary bolsa, tólemaqy stavkasy tómen bolady – 1 teńge kóleminde.
Óziniń menshigindegi elektr stantsııalarynda jańartylatyn elektr energııasy kózderinen óndirilgen qýatty paıdalanǵan kezde tutynylǵan elektr energııasynyń 1 kılovatt-saǵaty úshin 1 teńge stavkasy boıynsha esepteledi.
Menshikti elektr energııasyn paıdalanǵan kezde 1 kılovatt-saǵaty úshin 10 teńge stavkasy boıynsha esepteledi.
Elektr energııasyn tutyný kólemin esepke alýdyń baqylaý aspaptary bolmaǵan nemese olar aqaýly kúıde bolǵan kezde tsıfrlyq maınıng maqsatynda tólemaqy tutynylǵan elektr energııasynyń 1 kılovatt-saǵaty úshin 25 teńge stavkasymen esepteledi.
Bul jaǵdaıda elektr energııasynyń kólemi elektr energııasynyń eń joǵary qýatyn táýlik boıy tutyný esebinen esepteledi.
Tólemaqynyń ártúrli stavkalaryn qoldanýdyń birneshe negizderi bir mezgilde týyndasa, tólemaqynyń eń joǵary stavkasy qoldanylady.
Eske salsaq, Memleket basshysy 11 shilde kúni «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵan bolatyn.
Foto: coipacapital.com