Tsıfrlyq damý mınıstri Qazaqstannyń platforma modeline kóshýiniń mańyzdylyǵy týraly aıtty
Elimizdiń tsıfrlyq damý, ınnovatsııa jáne aeroǵarysh ónerkásibi mınıstri Baǵdat Mýsın Qazaqstannyń platformalyq modelge kóshetin kezi kelgendigin atap ótti.
«Bizdegi bar 500 aqparattyq júıe ózdiginshe damyp, jumys istedi. Biraq nátıjesi oıdaǵydaı bolǵan joq. Olardy biriktirýge tyrystyq, alaıda munymen serpilis jasaı almadyq. Sondyqtan platforma modeline kóshýimiz kerek. Ol bıznes-protsesterdi avtomattandyrý kezinde qıyndyq týdyrmaıdy. Bul júzdegen qujatqa qol qoımaı, birneshe qyzmetti biriktirmeı-aq, ońaı bolýy kerek. ІT-kompanııalar osy platformada jetilip, damyǵanyn qalaımyz. ıAǵnı, biz belgili bir erejeleri men bıznes-protsesterdiń arhıtektýrasy sıpattalǵan platformany jasaǵymyz keledi. Bul qyzmetti avtomattandyrýdy alty aı emes, tek bir aı ishinde iske asyrýǵa múmkindik beredi. Ol úshin biz platformanyń naqty modeline ótýimiz kerek.Qazir arhıtektýrany damytyp jatyrmyz jáne oǵan naryqtan sarapshylar tartamyz. Sonymen qatar, buǵan otandyq ІT-kompanııalar da qatysady. Al, ІT-kompanııalar memleketke óz qyzmetterin osy platforma arqyly satatyn bolady», - dedi Baǵdat Mýsın.
Bıyl tsıfrlandyrýǵa basa nazar aýdarylǵandyqtan, búkil tsıfrlyq tásildi qaıta qarap, memlekettiń IT-landshaftyn qurý qajet.
«Bul úshin joǵary sapaly adam kapıtaly qajet. Jyl saıyn joǵarǵy oqý oryndary 20 myń IT mamanyn daıyndaıdy. Eger shynymen olar óz isiniń sheberi bolsa, onda Qazaqstan IT salasy boıynsha damyǵan elderden kem túspes edi. Sondyqtan, ІT naryǵy úshin, biz Bilim mınıstrligimen birge osy mamandyqqa kúsh salatyn jekemenshik mektepter ashpaqpyz. Endi 20 myń mamanǵa bólingen grant aqshasyn IT mektebine de qaıta baǵyttaǵymyz keledi», - dedi mınıstr.
Sonymen qatar, Baǵdat Mýsın óńirlerde taǵy 5 ІT mektep ashý josparlanyp otyrǵanyn aıtty.