Tsıfrly Qazaqstan: onlaın kórsetiletin qyzmetter qatary tolyqty

ASTANA. QazAqparat – Tsıfrlandyrý salasynda qoldanysqa engen birqatar jańa qyzmet túri Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń tóraǵalyǵymen ótken vedomstvoaralyq komıssııanyń kezekti otyrysynda pysyqtaldy, dep habarlaıdy QazAqparat vedomstvo saıtyna silteme jasap.

Otyrysta Mańǵystaý jáne Túrkistan oblystary ákimdikteriniń ótken kezdesýlerde kótergen máseleleri qaraldy. Ondaǵy keıbir máselelerdiń sheshilý joldary búkil elge jappaı taralǵan.

Áskerge shaqyrýdy keıinge qaldyrý quqyǵyna ıe azamattar avtomatty túrde habar alady

Qorǵanys mınıstrligimen birlesip, merzimdi áskerı qyzmetke shaqyrýdy keıinge qaldyrý quqyǵy bar azamattardy avtomatty túrde habarlandyrý tetigi iske qosyldy. Olarǵa SMS-habarlamalar tájirıbelik formatta jiberiledi jáne bul rette, ýákiletti organdarǵa baryp aqparat jınaýdyń qajettiligi joq. Osylaısha, tıisti tizilim jasalyp, osy sanattaǵy 300 myńǵa jýyq áskerge shaqyrylǵan azamatqa habarlamalar jiberildi. Bolashaqta bul úderis áskerge shaqyrý komıssııalaryn avtomattandyrýǵa deıin jetildiriletin bolady.

Qorǵanshylyq jáne qamqorshylyq týraly anyqtamany 30 mınýtta alýǵa bolady

Qazaqstandyqtar qorǵanshylyq jáne qamqorshylyq týraly anyqtamany eGov platformasy men eGovMobile qosymshasy arqyly 30 mınýt ishinde ala alatyny belgili boldy. Bul týraly vedomstvoaralyq komıssııa barysynda Oqý-aǵartý mınıstrliginiń ókilderi habarlady. Bolashaqta mundaı anyqtama sol qosymshadaǵy tsıfrlyq qujattar tizimine qosylýy múmkin.

Pedagogterdi attestattaý úderisin elektrondy formatqa kóshirý

Pedagogterdi attestattaýdan ótkizý bıznes-úderisin reınjınırıngileý jáne ońtaılandyrý sheńberinde komıssııalardyń jumysy men testileýdi qosa alǵanda, tolyqtaı avtomattandyrý josparlanyp otyr.

Bul qyzmetterdi kórsetý merzimderin jáne qujattar paketin ońtaılandyrýǵa, tıisinshe pedagogterge, basshylyqqa jáne bilim berý uıymdaryna túsetin júktemeni azaıtýǵa múmkindik beredi.

Bilim qujattarynyń elektrondy kóshirmeleri beriledi

Oqý-aǵartý mınıstrligi Tsıfrlyq damý mınıstrliginiń qatysýymen jaqyn arada tehnıkalyq, kásiptik jáne orta bilimnen keıingi bilim týraly qujattardyń elektrondy kóshirmelerin berýdi bastamaq. Osyǵan uqsas másele Ǵylym jáne joǵary bilim mınıstrliginde de pysyqtalyp jatyr.

Kópbalaly otbasy: mektepke qajetti anyqtamalardyń biri qysqardy

Mektepterde oqýshylardy jeńildikpen tamaqtandyrý kezinde anyqtama talap etilmeýi úshin kópbalaly otbasylar týraly málimetter boıynsha vedomstvolyq aqparattyq júıelerdi biriktirý jumystary aıaqtaldy.