Tsıfrlandyrý salasyn retteıtin birtutas zań ázirlenedi - Joldaý
«Úkimet jasandy ıntellektini damytý isine basa nazar aýdarýǵa tıis. Álemde aldaǵy birneshe jylda osy salaǵa bir trıllıon dollardan astam ınvestıtsııa salynady degen boljam bar. Jasandy ıntellekt ony damyta bilgen elderdiń ishki jalpy ónimine aıtarlyqtaı úles qosýy múmkin. Jasandy ıntellektiniń múmkindikterin tolyq paıdalansaq, bilim ekonomıkasyna tyń serpin beremiz. Jetekshi halyqaralyq kompanııalarmen yntymaqtastyq ornatý kerek. Bilikti mamandar daıarlaýymyz qajet. Keminde úsh belgili joǵary oqý orny jasandy ıntellekt salasyna qajetti kadr daıarlaýmen jáne zertteý júrgizýmen aınalysýy kerek», - dedi Qasym-Jomart Toqaev.
Memleket basshysynyń pikirinshe, Qazaqstan esepteý qýattaryn jahandyq tutynýshylarǵa satatyn orynǵa aınala alady.
«Sondyqtan iri málimet ortalyqtaryn salýǵa ınvestıtsııa tartý úshin túrli jeńildikterdi de qamtı otyryp, barynsha qolaıly jaǵdaı jasaý kerek. Sondaı-aq málimetti saqtaý jáne óńdeý salasynda Qazaqstannyń múddesin ilgeriletý qajet. Tsıfrlandyrý isinde basshylyqqa alynatyn qaǵıdattardy zań júzinde bekitetin kez keldi. Úkimetten, sarapshylar qaýymynan, Parlament depýtattarynan birtutas salalyq qujat ázirleý máselesimen aınalysýdy suraımyn», - dedi Prezıdent.