Tsıfrlandyrý: E-QURYLYS jáne E-SHANYRAQ jobalary júzege asady

ASTANA. QazAqparat - Qurylys jáne Turǵyn úı-kommýnaldyq sharýashylyq salasyn tsıfrlandyrý sheńberinde 2 joba júzege asyrylady. Olar - qurylys sapasyn baqylaýmen jáne obektilerdi paıdalanýǵa qabyldaýmen baılanysty E-QURYLYS tsıfrlyq portaly jáne PIK-tiń kommýnaldyq qyzmetteri men jumysyn tutynýdyń ashyqtyǵyn qamtamasyz etetin E-SHANYRAQ aqparattyq júıesi.

Aıta ketý kerek, ótken jyly rekordtyq 12,5 mln. sharshy metr turǵyn úı paıdalanýǵa berildi. Bul 2017 jylǵy deńgeıden 12,1%-ǵa joǵary.

Barlyq óńirlerde turǵyn úı qurylysy boıynsha oń serpin baıqalady. Bul rette edáýir ósim Mańǵystaý (141%), Atyraý (127%), Túrkistan (122%) jáne Jambyl (121%) oblystarynda baıqalyp otyr.

2018 jyly bir turǵynǵa turǵyn úıdi berý 0,68 sharshy metrdi qurady. Bul TMD elderiniń ishinde eń joǵary kórsetkish. Atap aıtar bolsaq, Reseıde bul kórsetkish - 0,54 sh.m., Belarýste - 0,40 sh.m., Ózbekstanda - 0,36 sh.m. bolyp otyr.

113 myńnan astam otbasynyń turǵyn úı jaǵdaıy jaqsardy, onyń ishinde memlekettik qarajat esebinen 14 myńnan astam otbasy jalǵa beriletin jáne kredıttik turǵyn úımen qamtamasyz etildi.

«7-20-25» baǵdarlamasyn iske asyrý úshin ınjenerlik kommýnıkatsııalardyń qurylysyn qarjylandyrý 100 mlrd. teńgege deıin artty.

Bıylǵy qurylys qarqyny byltyrǵydan kem bolmaıdy. Jalpy 2019 jyly 13 mln. sharshy metr turǵyn úı salý josparlanýda. Onyń arqasynda shamamen 118 myń otbasy turǵyn úımen qamtamasyz etiledi.

Qurylys salasyndaǵy taǵy bir ózekti másele - jobalaý jáne qurylys kezeńindegi otandyq materıaldardy qoldaný máselesin Úkimet erekshe baqylaýyna aldy. Ótken jyldyń qorytyndysy boıynsha qurylystaǵy qazaqstandyq qamtý úlesi 77%-ti qurady.

Ótken jyldan bastap aýyldy sýmen jabdyqtaýǵa jyl saıyn barlyq qarjylandyrý kózderinen 100 mlrd. teńge bólinýde. Osyǵan oraı, 84,4% aýyldyq eldi meken ortalyq sýmen jabdyqtaýmen qamtamasyz etildi (6,5 mln. adam).

3 jyl ishinde qala turǵyndaryn aýyz sýmen qamtý 98% (10,9 mln.adam) jáne aýyl turǵyndaryn aýyz sýmen qamtý - 88,5% qurady (6,9 mln. adam).