ChL shırek fınaly: «Real Madrıd» óz alańynda «ıÝventýstan» jeńildi
Italııalyq qonaqtar horvat shabýylshysy Marıo Mandjýkıchtiń 2-mınýtta jáne 37-mınýtta baspen soqqan qos golynyń arqasynda birinshi taımdy jeńispen aıaqtady.
Ekinshi taımda taǵy bir gol soǵyp, jalpy esepti teńestirdi. Óıtkeni Týrındegi alǵashqy oıynda madrıdtikter 0:3 esebimen jeńiske jetken bolatyn.
Sodan keıin is nasyrǵa shapty. Úsh goldyq aıyrmadan aıyrylyp qalǵan alań ıeleri búkil alańda maıdan shebin quryp, shabýylǵa shyǵa berdi. Al Appenın túbeginiń ókilderi qarymta shabýylǵa ıek arta bastady. Oıyndaǵy negizgi ýaqyt osylaı aıaqtaldy.
Qosymsha 3 mınýt ta aıaqtalar sátte aqtyq shabýylǵa shyqqan «Real Madrıd» oıynshylary qarsylas qorǵaýshylaryn qatelesýge májbúr etip, penaltı tebetin boldy. Onyń ústine, tóreshige óreskel dóreki qatynas tanytqan qaqpashy Býffon qyzyl qaǵaz alyp, alańnan qýyldy. Al Krıshtıaný Ronaldý 11 metrlik núkteden múlt ketpeı, alań ıelerin jartylaı fınalǵa alyp shyqty.