Chılıde orman órtinen qaza tapqandar sany 100 adamǵa jetti

<p>ASTANA. KAZINFORM - Chılıdiń Valparaıso aımaǵyndaǵy orman órtinen qaza tapqandar sany 99-ǵa jetti, dep habarlaıdy <a href="https://tass.ru/proisshestviya/19897741?utm_source=yxnews&amp;utm_medium=desktop" target="_blank" rel="noopener">TASS</a> aqparat agenttigi.</p>

«Búginde 99 adamnyń denesi tabyldy», - delingen habarlamada.

Buǵan deıin Chılı prezıdenti Gabrıel Borıch 64 adamnyń qaza tapqanyn habarlaǵan bolatyn. Ol qaıǵyly oqıǵa qurbandarynyń sany arta túsetinin moıyndady. Elde eki kúndik aza tutý jarııalandy.

2 aqpanda prezıdent órtke baılanysty Valparaısoda tótenshe jaǵdaı jarııalady. Sonymen qatar, órt sóndirýshilerdiń erkin júrip-turýyn qamtamasyz etý úshin oblysta saǵat 08:00-den 12:00-ge deıin komendanttyq saǵat engizildi.

Bıliktiń málimetinshe, jalyn 40 myń gektardan astam aýmaqty sharpyǵan.