Chılıde bolǵan órt saldarynan 14 venesýelalyq mıgrant qaza tapty

<p>Chılıdiń ońtústigindegi Koronel qalasynda mıgranttar qonysynan órt shyǵyp, saldarynan Venesýelanyń 14 azamaty qaza tapty, onyń ishinde segiz bala bar. Kazinform agenttigi bul týraly <a href="https://www.bbc.com/news/world-latin-america-67341310" target="_blank" rel="noopener">BBC News</a>-ke silteme jasap habarlaıdy.</p>

Qala meri Haver Valensııanyń aıtýynsha, qaza bolǵandar arasynda tórt otbasynyń músheleri bar.

Tergeý amaldary bastaldy. Polıtseılerdiń bir nusqasy boıynsha, órtke qyzdyrǵysh quraldyń shekten tys qyzyp ketýi sebep bolýy múmkin.

Aldyn ala málimetke sáıkes, qańyltyr jáshikter men túpqoımalardan salynǵan úıden shyqqan órt jalyny tez arada kórshi úıge taraldy, dep habarlady Xinhua.

Valensııa meriniń orynbasary Chılıde «panasyzdarǵa arnalǵan ýaqytsha lagerler» dep atalǵan ruqsat etilmegen jerlerde turǵyn úı qurylysynyń ósýin synǵa aldy.

Koronel qalasy Chılıdiń ońtústigindegi úlken qala Konsepsonǵa jaqyn ornalasqan.

Kedeılik pen turmystyq zorlyq-zombylyqtan qashqan on myńdaǵan venesýelalyq ońtústikke qaraı - Amerıkanyń eń baı elderiniń biri Chılıge saıahattaý arqyly óz ómirlerin qaterge tigýde. Kóptegen mıgranttar shekarany Bolıvııadan nemese Perýdan kóbine asa qaýipti jaǵdaıda, jaıaý kesip ótip júr.