Chılıde koronavırýstyń taralýy azaıdy
19:58, 01 Tamyz 2021
NUR-SULTAN. QazAqparat - Chılı shekteýler men vaktsınatsııanyń arqasynda COVID-19 taralýy men aýrýhanaǵa jatqyzýdyń eń tómengi deńgeıine qol jetkizdi, dep habarlaıdy COVID-19 taralýyna jol bermeý jónindegi VAK baspasóz qyzmeti.
«Chılıde koronavırýs taralýynyń tómendeýi tirkeldi. Sońǵy táýlikte COVID-19 juqtyrýdyń 1 152 jaǵdaıy tirkeldi. Densaýlyq saqtaý mınıstri Enrıke Parıstiń aıtýynsha, bul pandemııa bastalǵaly eń tómen kórsetkish» delingen habarlamada.
Qabyldanǵan shekteýler men vaktsınatsııanyń arqasynda qazir Chılı COVID-19 taralýy men aýrýhanaǵa jatqyzýdyń eń tómengi deńgeıine qol jetkizdi. Jalpy alǵanda, elde 1 615 771 aýrý jaǵdaıy tirkelip, 35 448 adam kóz jumdy.