Chevron Qazaqstandaǵy munaı óndirý kólemin arttyrmaq

VAShINGTON. QazAqparat – Chevron Corporation basqarma tóraǵasy jáne bas atqarýshy dırektory Maık Vırt CERAWeek konferentsııasynda Qazaqstanda munaı óndirý kólemin arttyrý jospary jaıynda málimdedi, dep habarlaıdy QazAqparat tilshisi.

Maık Vırt Chevron Qazaqstandaǵy iri ınvestorlardyń biri ekenin aıta kele, eski keńestik munaı kenishinde ol kezde táýligine 50 barrel munaı óndirilgenin, qazir bul kórsetkish 700 barrelge deıin óskenin aıtty.

«Bizde bul kórsetkishti kúnine shamamen 1 mıllıon barrelge deıin jetkizetin joba bar», - dedi M. Vırt.

Qazirgi ýaqytta Qazaqstanda kómirsýtekterdi óndirýdi kóbeıtý boıynsha eki komponentti iri joba qurylys kezeńinen iske qosýǵa kóshti. Bul protsess aıasynda barlyq nysandy iske qosý jumystary bıyl jáne keler jyly atqarylady.

Korporatsııa basshysynyń aıtýynsha, búginde osy jobalar óte qajet, óıtkeni energııa resýrstarynyń basym bóligi Eýropaǵa jiberiledi.

Aıta keteıik, Hıýstonda (Tehas shtaty) jyl saıynǵy eń iri energetıkalyq CERAWeek konferentsııasy (6-10 naýryz aralyǵynda) ótip jatyr. .

Forýmǵa qazaqstandyq delegatsııany QR Energetıka mınıstri Bolat Aqsholaqov bastap bardy. Onyń quramyna «QazMunaıGaz» UK» AQ, QazaqGaz UK AQ, KAZENERGY jáne Qazaqstannyń AQSh-taǵy Elshiliginiń ókilderi kirdi.

Rústem Qojybaev