Chempıonǵa qandaı syılyq jasasań da, jarasady – Eldos Smetovtiń jeke bapkeri Ǵalymjan Jylgeldıev
– Shákirtimiz Eldos Smetov ekemiz úshin óte bir qýanyshty kún bolyp jatyr. Osy jyldyń úzdigi ataný biz úshin mańyzdy sátterdiń biri bolyp esimizde qalǵaly tur. 2024 jyl biz úshin asa tabysty, asa qýanyshty, eń bıik Olımp shyńyn baǵyndyrǵan, bar armanymyz oryndalǵan, eńbegimizdiń, mańdaı terimizdiń ótelgen jyly boldy. Sol úshin 2024 jyl biz úshin eń mańyzdy, eń qutty jyl boldy dep sanaımyz. Qazaq balasy dzıýdo degen asaý sport túrinen tuńǵysh ret Olımpıadany baǵyndyrdy. Bul eń úlken tarıhı oqıǵa dep senimmen aıta alamyn, – dedi Ǵalymjan Jylgeldıev.
Sonymen qatar Eldos Smetov kórsetilip jatqan barlyq syı-qurmetke laıyqty ekenin basa aıtyp ótti.
- Chempıonǵa qandaı syılyqty qashan, qaı kúni, qaı jerde syılasań da, jarasyp turady. Eldos Parıjde Olımpıada chempıony atanyp, búkil elimizdi qalaı qýantty? Endi, búkil el bolyp Eldos Smetovti qýantyp jatyr. Memleket tarapynan berilgen syıaqylar óz aldyna, el bolyp qurmettep, árkim óz syılyǵyn usyndy. Úı berdi, kólik berdi, at mingizdi, qarjylaı syıaqylar men estelik buıymdar syılandy. Mine, bunyń barlyǵyn Eldos eshkimnen surap alǵan joq. Barlyǵy eldiń Eldosqa degen yqylasy. Meıli, qandaı syılyq bolsa da, chempıonǵa syılaǵan barlyq syılyq óz ornymen jarasyp turady eken, - dedi Eldos Smetovtiń jeke bapkeri.
Esterińizge sala keteıik, Astanada ótken «Úzdik-2024» premııasynyń marapat keshinde Eldos Smetov memlekettik qyzmetke barmaıtynyn, taǵy bir Olımpıadaǵa qatysatynyn aıtty.