ASTANA. QazAqparat - Elordalyq «Astana» komandasynyń UEFA Chempıondar lıgasy birinshi irikteý satysyndaǵy qarsylasy belgili boldy, dep habarlaıdy QazAqparat tilshisi.
Qazaqstandyq klýb jarystyń alǵashqy satysynda Grýzııanyń «Dınamo» (Tbılısı) komandasymen kezdesedi.
Birinshi oıyn óz alańynda 11/12 shildede ótkizilse, qarymta kezdesý syrt alańda 18/19 shildege belgilengen.
«Dınamo» - Grýzııanyń belgili klýbtarynyń biri. Óz elinde 19 márte chempıon atandy.
1981 jyly UEFA kýbok ıeleriniń kýbogynda bas báıgege qol jetkizdi.
Aıta ketsek, «Astana» 2015/16 jylǵy kezeńde atalǵan týrnırdiń toptyq kezeńinde oıyn kórsetti.
Al 2016, 2017, 2018 jyldarda Eýropa lıgasy toptyq kezeńinde synǵa tústi.
2014/2015 jylǵy kezeńde «Dınamo» Chempıondar lıgasy ekinshi irikteý satysynda qazaqstandyq «Aqtóbe» komandasyna 0:1, 0:3 esebimen jol bergen.
Eske salsaq, budan buryn «Tobyl» komandasynyń Konferentsııa lıgasyndaǵy yqtımal qarsylastary anyqtalǵan edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.