Chempıondar lıgasy: Shırek fınaldaǵy qarymta oıyndar ótedi

ASTANA. QazAqparat - Sáýirdiń 18-nen 19-na qaraǵan túni fýtboldan UEFA Chempıondar lıgasy shırek fınalynda qarymta oıyndar ótedi, dep habarlaıdy QazAqparat tilshisi.

Eki oıynnyń birinde «Napolı» (Italııa) men «Mılan» (Italııa) kezdesedi.

Kezdesý elorda ýaqytymen 00.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin 152 márte kezdesti. Onyń 42-sinde «Napolı», 57-sinde «Mılan» jeńiske jetse, qalǵany teń aıaqtaldy.

Shırek fınaldyń alǵashqy kezdesýinde «Mılan» 1:0 esebimen basym tústi.

Taǵy bir kezdesýde «Chelsı» (Anglııa) pen «Real Madrıd» (Ispanııa) komandalary sheberlik baıqasady.

Kezdesý elorda ýaqytymen 00.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 9 márte kezdesti. Onyń úsheýinde «Real Madrıd», tórteýinde «Chelsı» jeńiske jetse, qalǵany teń nátıjemen aıaqtaldy.

Shırek fınaldyń alǵashqy kezdesýinde ıspanııalyq klýb 2:0 esebimen jeńdi.

Fınal 10 maýsymda Túrkııanyń Ystanbul qalasyndaǵy Atatúrik atyndaǵy Olımpıadalyq stadıonda bolady.