Chempıondar lıgasy: «Real Madrıd» «Chelsıden» basym tústi

ASTANA. QazAqparat – Fýtboldan UEFA Chempıondar lıgasy shırek fınalynda taǵy eki kezdesý ótkizildi, dep habarlaıdy QazAqparat tilshisi.

Eki oıynnyń birinde «Real Madrıd» (Ispanııa) pen «Chelsı» (Anglııa) komandalary sheberlik baıqasty.

Ispanııalyq klýb jartylaı fınalǵa jaqyndaı tústi. Kezdesý barysynda qarsylastar qaqpasy mańynda jıi boı kórsetti. Olardyń qatarynan Karım Benzemanyń belsendiligi baıqaldy. Nátıjesinde, ol 21-mınýtta kózdegen nysanadan múlt ketken joq.

Ekinshi kezeńde «Real Madrıd» sapynan Marko Asensıo gol soǵyp ketti.

Osylaısha, madrıdtik klýb ótken jylǵy kórsetkishin qaıtalaýǵa jaqyndaı tústi. Byltyr olar Chempıondar lıgasynda jeńimpaz atanǵan edi.

Taǵy bir kezdesýde Italııanyń «Mılany» óz eliniń «Napolı» klýbyn 1:0 esebimen tize búktirdi. Olardyń qatarynan Ismael Bennaser 40-mınýtta mergendik tanytty.

Qarymta kezdesý 18 sáýirge belgilengen.

Eske salsaq, Anglııanyń «Manchester Sıtı» klýby óz alańynda germanııalyq «Bavarııadan» 3:0 esebimen basym tússe, portýgalııalyq «Benfıka» (Portýgalııa) klýby Italııanyń «Interine» 0:2 esebimen jol berdi.