Chempıondar lıgasy: «Mılan» men «Bavarııa» jarysty jalǵastyrady

ASTANA. QazAqparat - UEFA Chempıondar lıgasy 1/8 fınalynda ótken túni qarymta taǵy eki oıyn ótti, dep habarlaıdy QazAqparat tilshisi.

Anglııanyń «Tottenhem Hotspýrs» komandasy óz alańynda Italııanyń «Mılan» komandasymen sheberlik baıqasty.

Jarystyń atalǵan satysyndaǵy alǵashqy kezdesýde «Mılan» 1:0 esebimen basym túsken edi.

Bul oıynda komandalar 0:0 esebine qanaǵat bildirdi.

Qos oıynnyń nátıjesimen «Mılan» jarysty jalǵastyrýǵa múmkindik aldy.

Sondaı-aq, Germanııanyń «Bavarııa» komandasy óz alańynda Frantsııanyń «Parı Sen-Jermen» klýbyn qabyldady.

1/8 fınalyndaǵy alǵashqy kezdesýde «Bavarııa» atalǵan qarsylasyn 1:0 esebimen tize búktirdi. Bul joly olar qarsylasynan 2:0 esebimen basym túsip, shırek fınalǵa shyqty.

Endi 14 naýryzda «Portý» (Portýgalııa) men «Inter» (Italııa), «Manchester Sıtı» (Anglııa) men «RB Leıptsıg» (Germanııa), 15 naýryzda «Napolı» (Italııa) men «Aıntraht» (Germanııa), «Real Madrıd» (Ispanııa) men «Lıverpýl» (Anglııa) oınaıdy.

Eske salsaq, budan buryn «Benfıka» men «Chelsı» shırek fınalǵa shyqty.