Chempıondar lıgasy: «Manchester Sıtı» «Bavarııany» iri eseppen jeńdi

ASTANA. QazAqparat - UEFA Chempıondar lıgasy shırek fınalynda eki oıyn ótti, dep habarlaıdy QazAqparat tilshisi.

Eki oıynnyń birinde «Manchester Sıtı» (Anglııa) men «Bavarııa» (Germanııa) kezdesti.

Oıynnyń 27-mınýtynda «Manchester Sıtı» sapynan Rodrıgo Ernandestiń alystan tepken doby qaqpa torynda týlap jatty.

Ekinshi kezeńde de komandalar jıi shabýylǵa shyqty. Osyndaı sátterdiń birinde aǵylshyn klýbynan Bernandý Sılva 70, Erlıng Holand 77-mınýtta basymdyqty arttyrdy.

Kezdesýde «Manchester Sıtı» qarsylasynan 3:0 esebimen basym tústi.

Taǵy bir kezdesýde «Benfıka» (Portýgalııa) men «Inter» (Italııa) komandalary sheberlik baıqasty.

Oıyn barysynda ıtalııalyq klýbtan Nıkolo Barella 51-mınýtta esep ashsa, Romelý Lýkaký 81-mınýtta penaltıden múlt ketken joq.

Atalǵan kezdesýde «Inter» syrt alańda 2:0 esebimen basym tústi.

Qarymta oıyndar 19 sáýirge belgilengen.

Sondaı-aq, sáýirdiń 12-nen 13-ne qaraǵan túni shırek fınaldyń alǵashqy kezdesýinde «Mılan» (Italııa) men «Napolı» (Italııa), «Real Madrıd» (Ispanııa) men «Chelsı» (Anglııa) komandalary kezdesedi.

Foto: Match TV