Chempıondar lıgasy: «Bavarııa» «Manchester Sıtıden» ese qaıtara ala ma

ASTANA. QazAqparat - Sáýirdiń 19-nan 20-na qaraǵan túni UEFA Chempıondar lıgasy jartylaı fınalǵa shyqqan taǵy eki komanda anyqtalady, dep habarlaıdy QazAqparat tilshisi.

Eki oıynnyń birinde «Inter» (Italııa) men «Benfıka» (Portýgalııa) kezdesedi.

Kezdesý elorda ýaqytymen 0.50-de bastalyp, «Qazaqstan» telearnasynan tikeleı efırde kórsetiledi.

Eki komanda buǵan deıin bes márte kezdesti. Onyń úsheýinde «Inter» jeńiske jetse, eki kezdesý teń aıaqtaldy.

Shırek fınaldyń alǵashqy oıynynda ıtalııalyq klýb 2:0 esebimen basym tústi.

Taǵy bir kezdesýde «Bavarııa» (Germanııa) men «Manchester Sıtı» (Anglııa) komandalary sheberlik baıqasady.

Kezdesý elorda ýaqytymen 0.50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin toǵyz márte kezdesti. Anglııalyq klýb bes, germanııalyq komanda tórt márte jeńiske jetti.

Shırek fınaldyń alǵashqy oıyny 3:0 esebimen «Manchester Sıtı» komandasynyń basymdyǵymen aıaqtaldy.

Fınal 10 maýsymda Túrkııanyń Ystanbul qalasyndaǵy Atatúrik atyndaǵy Olımpıadalyq stadıonda bolady.

Eske salsaq, budan buryn «Mılan» men «Real Madrıd» jartylaı fınalǵa shyqty.